VOV4.K’ho - Tàm dơ\ tus còp lơgar Lo, mho òr (23/12) tàm Hìu lơh broa\ Gơnoar ala mat dà lơgar, tàm càr lơgar Bắc Kinh. Ồng Nguyễn Sinh Hùng kuang atbồ gơnoar ala mat dà lơgar mờ mpồl kuang bàng dờng màng Gơnoar ala mat dà lơgar he neh geh tìp mờ cri bơyai broa\ mờ ồng Tập Cận Bình  kuang atbồ đơng lam Đảng cộng sản dà lơgar mờ la kuang atbồ dà lơgar Lo.

            Tàm bùi wa\,  ala mat mpồl kuang bàng  dờng màng Gơnoar ala mat dà lơgar Việt Nam,  ồng Nguyễn Sinh Hùng  neh  ưn ngài ồng Tập Cận Bình neh lời tu\ tơngai  wa\. Ồng Nguyễn Sinh Hùng đơs tờm Đảng mờ Dà lơgar Việt Nam lài kung bè tơnơ\, sùm sền kuơ broa\ sền gàr,  dờp  mờ chồl guh bơta tam klac git gơp bơhìan Việt Nam-Lo bơh Bác Hồ mờ ồng Mao Trạch Đông kuang atbồ lơgar bal mờ ua\ ngan rnàng atbồ lài do bơh 2 lơgar neh lơh ngan bơt gơs,  sền do la phan bơna  bal kuơ màng bơh 2 Đảng, 2 lơgar mờ làng bol  2 lơgar, sùm pal geh dờp, sền gàr mờ chồl guh. Mờ broa\ lơh hơ\,  ồng Nguyễn Sinh Hùng geh jơnau đơs, 2 lơgar kờ` chul chồl mut lơh git wa\ bal mờ ala\ jơnau ring bal bơh atbồ dờng màng 2 lơgar, chul chồl tam klac tàm ua\ gah broa\ lơh mờ ala\  bơta lơh broa\ li la, di pal,  tam  tơrbo\ bal kơljap rlau tai tàm git gơp gùng dra\ bal,  tam klac, git gơp mờ lơh broa\ bal 2 lơgar.

            Bal dùl ngai,  ồng Nguyễn Sinh Hùng bal mờ mpồl kuang bàng dờng màng Gơnoar ala mat dà lơgar he, neh tus còp cau kuang, cau lơh broa\ anih lơh broa\ ala mat lơgar Việt Nam tàm Bắc Kinh mờ geh tus boh bơr mờ ala mat cau Việt Nam gam bơsram sra\,  ơm kis tàm lơgar do.

                             Cau cih mờ yal tơnggit K’ Brọp