VOV4.K’ho - Tàm dơ\ tus còp mùl màl lơgar Mỹ, drim òr (08/9), ồng Nguyễn Sinh Hùng, kuang atbồ Gơnoar ala măt dà lơgar neh tìp mờ ồng Jim Yong Kim, kuang atbồ anih priă jền dunia (WB) mờ tus pơrjum cri bơyai bè lơgar Việt Nam geh anih priă jền dunia (WB) bơyai lơh mờ tơngu me “Gơnoar ngai sơlơ tơnguh Gơnoar ala măt lơgar Việt Nam dê tus mờ broă tơnguh bơtàu dà lơgar”. Tàm pơrjum cri bơyai, ồng Nguyễn Sinh Hùng neh đơs loh, tơngai do, lơgar Việt Nam neh lơh ngan mờ neh geh uă tam gơl pa tàm broă tơnguh bơtàu dà lơgar bơh [òn drà tus [òn lơgar tàm ală gah lơh sa-mpồl bơtiàn. Tàm khà hơ\, lơgar Việt Nam sùm geh dờp broă dong kờl uă, dờng màng mờ geh kơnòl bơh anih priă jền dunia dê. Ồng Nguyễn Sinh Hùng pà g^t, 2 broă sền gròi dờng màng ngan lơgar Việt Nam dê tu\ do là tơnguh sùm, prăp gàr, lơngăp lơngai, gàr niam bơta lơngăp lơngai dà lơgar, sền gàr gơnoar ù tiah dà lơgar mờ sơndră niam mờ tam gơl trồ tiah, tài lơgar Việt Nam là lơgar dơ\ 2 tàm dunia gơtìp aniai uă ngan bơh tam gơl trồ tiah dê.

    Cau mblàng Ndong Brawl