VOV4.K’ho - Drim òr (29/9),  Mpồl đơng lam Đảng càr Phú Thọ neh bơyai lơh pơrjum  Đảng càr dơ\ 18 tơngai lơh broa\ bơh 2015-2020. Tus bal pơrjum, geh ồng Nguyễn Sinh Hùng kuang atbồ gơnoar ala mat dà lơgar, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar, at bồ  ờ ua\ gah, sơnah lơh broa\ dà lơgar, bal mờ 334 na\ cau ala mat ngan ngồn. Đơs  lam sồr dơ\ pơrjum, ồng Nguyễn Sinh Hùng neh jờng ala\ cồng nha mờ mpồl đơng lam Đảng càr, gơnoar atbồ mờ làng bol càr Phú Thọ neh lơh geh tàm tơngai lài, mơ kung geh sồr tàm tơngai tus,  Phú Thọ kờ` geh ala\ broa\ lơh ngan ngồn rlau tai tai nàng bơtàu tơngguh sơbac mờ kơljap rlau tai. Ồng Nguyễn Sinh Hùng sồr càr Phú Thọ kờ` pal sền kuơ bơtàu tơngguh ala\ gah broa\ lơh bè chài rgơi, mpồl bơtìan, bơtàu tơngguh rài kis làng bol, lơh geh  bơta pràn  sền gàr ngap lơngai dà lơgar gùt làng bol mờ sền gàr  ờ  do ờ da\ tàm làng bol, bal mờ bơtàu tơngguh lơh sa mờ gàr niam  ngap lơngai dà lơgar, tơngguh broa\ lơh bơt bơtàu Đảng mờ ròt gùng dra\ bal.

                             Cau cih mờ yal tơnggit K’ Brọp.