VOV4.K’ho - Drim òr (22/9), tàm [òn dờng Nha Trang, càr Khánh Hoà, pơrjum dờng mpồl đơng lam Đảng càr Khánh Hoà dơ\ 17, tơngai lơh broă bơh nam 2015 tus 2020 neh mùl màl bơyai mu\t lơh, mờ broă tus bal bơh 350 nă kuang bàng mùl màl ala măt mờr 34 rơbô nă cau geh đảng tàm càr do dê. Đơs tàm dơ\ đơng lam pơrjum dờng, ala măt gah gùng dră bal dà lơgar, ồng Nguyễn Sinh Hùng, kuang atbồ Gơnoar ala măt dà lơgar neh đơs niam ală cồng nha mờ mpồl đơng lam Đảng bal mờ làng bol càr Khánh Hoà neh geh tàm 5 nam do; đơs loh tus mờ ală broă lơh gam ờ pràn mờ pal tơmù. Hơ\ là, tơnguh lơh sa ờ hềt geh jăt mờ khà geh ai mờ ờ hềt di pal mờ bơta geh, bơta pràn càr do dê. Broă lơh sa tam gơl niam, mơya khà geh khoa học kỹ thuật gam ờ uă; tơnguh bơtàu lơh sa tàm dà lềng ờ hềt geh sền di pal, ờ geh broă lơh niam kờ` tơnguh bơtàu lơh sa tàm dà lềng pơgồp bal mờ tơnguh bơtàu lơh sa mờ măy mo\k, broă lơh, nhơl chờ. Broă bơ\t bơtàu ală broă lơh ờ hềt di pal mờ broă kờ` tơnguh bơtàu. Rài kis làng bol ờ ndrờm bal mờ gam uă kal ke, tàm hơ\ uă ngan là tàm tiah kơh bơnơm.

        Cau cih mờ yal tơng^t Ndong Brawl