VOV4.K’ho – Mho òr 26/11, ồng Nguyễn Sinh Hùng kuang atbồ Gơnoar ala mat dà lơgar wa\ Ală mpồl cau lơh bău ASEAN (CAJ) tus Việt Nam tus bal Dơ\ tơngkah 40 nam Ngai crơng gơs Ală mpồl.

Đơs tàm dơ\ tìp mat, ồng Benny Antiporda kuang atbồ Ală mpồl cau lơh bău ASEAN dê jơh nùs ưn ngài ngan ồng Nguyễn Sinh Hùng kuang atbồ Gơnoar ala mat dà lơgar Việt Nam neh lời tu\ jiơ wa\ rò ală mpồl; mơkung đơs niam ngan bơta sền gròi, dong kờl mờ lơh geh tơl ală bơta bơh Gơnoar ala mat dà lơgar Việt Nam, Gơnoar atbồ lơgar Việt Nam dê tus mờ broă lơh bơh Mpồl cau lơh bău Việt Nam dê mờ mpồl cau lơh bău đơs bal. Ồng Benny Antiporda geh jơnau đơs pin dờn, mờ gơnoar broă là kuang atbồ Ală mpồl cau lơh bău ASEAN, tàm tơngai tus, Mpồl cau lơh bău Việt Nam geh lơh geh niam ngan kơnòl broă bơh he dê; pơn jat tai ai ală mpồl gơ gơs là dùl mpồl cau lơh bău pràn kơldang kơ\ kơl jăp mờ geh bơngă pin dờn tàm tiah do mờ tàm dunia.

Cau cih mờ yal tơngi\t- Lơ Mu K’ Yến