VOV4.K’ho – Mho òr ( 01/7), tàm hìu lơh broă Gơnoar ala mat dà lơgar, ồng Nguyễn Sinh Hùng kuang atbồ Gơnoar ala mat dà lơgar tìp mat rềp mềr ală kuang atbồ anih ala mat lơgar Việt Nam tàm lơgar ndai pa geh pồ tơngai lơh broă bơh nam 2015 tus nam 2018 lài mờ tu\ lòt gùng mut lơh kơnòl broă. Ala mat Gơnoar ala mat dà lơgar, ồng Nguyễn Sinh Hùng đơs niam cồng nha broă lơh bơh Gah cribơyai broă mờ lơgar ndai dà lơgar tàm tơngai lài. Mblàng bơta pràn dà lơgar dê tàm tơngai pa, ồng Nguyễn Sinh Hùng sồr ală kuang bàng cribơyai broă mờ lơgar ndai lơh jat niam gùng dà, broă lơh bal mờ lơgar ndai bơh Đảng dê; lơh ngan chul chồl tam klac tơl làm mờ ală lơgar; lơh ngan chul chồl git gơp lơh broă bal tàm jơh ală gah gùng dră bal, sền gàr dà lơgar, sền gàr ngap lơngai, lơh sa, chài rơgơi, jak chài, bơto bơsram đah Việt Nam mờ ală lơgar tàm dunia. Ồng Nguyễn Sinh Hùng tơngkah ală kuang atbồ anih ala mat lơgar Việt Nam tàm lơgar ndai pal sền dờng màng, tam klac bal mờ bơtàu tơnguh git gơp cribơyai mờ lơgar ndai bơh gơnoar ala mat dà lơgar; mblàng yal, bơto bơtê sơnoa boh lam nam 2013 mờ ròt adat boh lam geh tam gơl bal hiă, ai geh bơta [uơn bùai nàng ală cau bơcri priă lơgar ndai geh tus bal tàm lơgar Việt Nam.

                                                                           Cau mblàng K' Duẩn.