VOV4.K’ho – Ngai òr, 25/8, tàm hìu lơh broă Gơnoar ala mat dà lơgar, ồng Nguyễn Sinh Hùng kuang atbồ Gơnoar ala mat dà lơgar neh wă ồng Bernd Lange kuang atbồ Anih duh broă kă bro dunia bơh Gơnoar ala mat dà lơgar châu Âu. Tàm dơ\ wă, ồng Nguyễn Sinh Hùng ràng tơlik bơta chờ gờp tìp mat ồng Bernd Lange mờ đơs niam bơta tă pơgồp bơh ồng do dê tàm broă sơlơ tơnguh git gơp lơh broă bal đah Gơnoar ala mat dà lơgar châu Âu mờ Gơnoar ala mat dà lơgar Việt Nam, kung bè chul chồl cribơyai Jơnau pơrgon kă bro khat gơboh Việt Nam mờ mpồl tam klac châu Âu pa geh 2 gah yal bơr tơn jơh cribơyai ngan ngồn. Ồng Nguyễn Sinh Hùng pin dờn, jơnau pơrgon kă bro khat gơboh Việt Nam mờ mpồl tam klac châu Âu geh ki\ pơgồp bơnah chul chồl pràn git gơp lơh sa, kă bro đah 2 gah; kơp kờ` ồng Bernd Lange mờ Gơnoar ala mat dà lơgar châu Âu pơnjat tai dong kờl nàng jơnau pơrgon kă bro khat gơboh đah Việt Nam mờ mpồl tam klac châu Âu mhar geh ki\.

                                                                                        Cau mblàng K' Duẩn