VOV4.K’ho – Drim òr 18/03, tàm Hìu Gơnoar ala mat dà lơgar dê, ồng Nguyễn Sinh Hùng kuang atbồ Gơnoar ala mat dà lơgar neh geh dơ\ wa\ Kuang atbồ Gơnoar ala mat dà lơgar Tây mờ mpồl kuang bàng ala mat dờng màng Gơnoar ala mat dà lơgar Tây gam geh dơ\ lòt còp ngan ngồn lơgar Việt Nam. Tàm dơ\ wa\, ồng Nguyễn Sinh Hùng đơs tờm, Gơnoar ala mat dà lơgar Việt Nam gam ngai sơlơ lơh gơs niam ală adat boh lam dipal mờ Sơnoa boh lam nam 2013. Ồng Nguyễn Sinh Hùng sồr, tàm tơngai tus, bàr gah kờn pal sơlơ tam klac lơh bal tàm broă lơh sa, ngan là broă lơh gùng lòt, lơh broă sa sươn sre, sơnơm tơm ba, jak chài, bơto bơtê, lơh sơnơm, bơto cau lơh broă…bơh hơ\, dong Việt Nam mu\t gơ rờm bal mờ dunia, sơlơ tơnguh tai bơta gi\t wa\ bal đah làng bol bàr lơgar. Bàr gah kung kờn pal sền dờng màng tam klac lơh bal tàm broă sền gàr dà lơgar lơngăp lơngai kờn pơgồp bơnah sền gàr bơta lơngăp lơngai, ring lơngai tàm tiah do mờ tàm dunia. Bè bơta Dà lềng đah mat tơngai lik, ồng Nguyễn Sinh Hùng kơ\p kờn, Gơnoar ala mat dà lơgar Tây jơh nùs kờn bal lơgar Việt Nam tàm broă sền gàr lơngăp lơngai gùng dà lềng, lơngăp lơngai tàm dà lềng mờ tam dră wơl broă lơh ling klàng tàm tiah Dà lềng đah mat tơngai lik.  

Cau cih mờ yal tơngi\t- Lơ Mu K’ Yến