VOV4.K’ho – Drim òr 24/12, tàm Bắc Kinh, ồng Nguyễn Sinh Hùng kuang atbồ gơnoar ala mat dà lơgar neh wă ồng Lý Tiểu Lâm, kuang atbồ mpồl git gơp lơh bơyô mờ lơgar ndai làng bol lơgar Lo mờ ờ uă cau chài tàm mpồl lơh bơyô lơgar Lo. Ồng Nguyễn Sinh Hùng đơs niam bơta tă pơgồp bơh Mpồl git gơp lơh bơyô mờ lơgar ndai làng bol lơgar Lo tus mờ nùs nhơm lơh bơyô Việt Nam mờ Lo, mơkung pin dờn mpồl mờ ală cau chài tàm mpồl git gơp lơh bơyô lơgar Lo geh jat jơng bơhìan yau, pơnjat tai tă pơgồp jơh nùs, geh cồng nha tus mờ git gơp tam klac bal đah 2 lơgar. Ồng Nguyễn Sinh Hùng đơs tờm, kuang đơng lam bồ 2 Đảng, 2 dà lơgar sùm lơh ngan tài bơta kuơ bơh làng bol 2 lơgar. Dơ\ tus còp lơgar Lo dơ\ do bơh mpồl kuang bàng dờng màng gơnoar ala mat dà lơgar Việt Nam dê đơs tờm nùs nhơm ờ tam gơl, kơp kờ` chul chồl git gơp lơh broă bal kuơ màng, tơl làm Việt Nam mờ Lo ngai sơlơ geh cồng nha mờ ngan ngồn.

                                                           Cau cih mờ yal tơngit K’ Duẩn.