VOV4.K’ho - Mho òr (04/1), tàm hìu Gơnoar ala măt dà lơgar, ồng Nguyễn Sinh Hùng, kuang atbồ Gơnoar ala măt dà lơgar neh wă mpồl kuang atbồ Gơnoar ala măt dà lơgar Lào mờ mpồl kuang atbồ Gơnoar ala măt dà lơgar Campuchia tus lơgar Việt Nam tơnkah 70 nam ngai bơyai lơh te\ khà sơnrờp ngan Gơnoar ala măt dà lơgar Việt Nam bơh ngai 05 tus 06/1/2016.

Ồng Nguyễn Sinh Hùng neh wă mò Pany Yathotu, kuang atbồ Gơnoar ala măt dà lơgar Lào tus tơnkah 70 nam ngai bơyai lơh te\ khà sơnrờp ngan Gơnoar ala măt dà lơgar Việt Nam. Mò Pany Yathotu chờ gờm mờ đơs niam ală cồng nha mờ Gơnoar ala măt dà lơgar Việt Nam neh geh tàm 70 nam do, mờ chờ hờp sền go\ ală broă lơh tơnguh bơtàu pràn làng bol lơgar Việt Nam dê tềng đăp mờ broă đơng lam bơh Đảng Cộng Sản Việt Nam. Mò Pany Yathotu đơs, ală cồng nha dờng màng mờ lơgar Việt Nam geh là jơnau bơsram mờng chài mờ là nùs nhơm pơnyờ să ngan bơh Đảng bal mờ làng bol lơgar Lào dê. 2 lơgar ring bal pơn jăt tai lơh broă bal, chồl pràn broă lơh g^t gơ\p, lơh bơyô bal bơh lơgar Việt Nam mờ lơgar Lào sơlơ ngai sơlơ geh cồng nha uă.

Pơn jờng mờ ưn ngài ồng Samdech Heng Samrin, kuang atbồ Gơnoar ala măt dà lơgar Campuchia lam bồ mpồl kuang bàng dờng màng lơgar Campuchia tus lơgar Việt Nam tơnkah 70 nam ngai bơyai lơh te\ khà sơnrờp ngan, ồng Nguyễn Sinh Hùng pin dờn broă tus bal bơh mpồl kuang bàng geh pơgồp bal kuơ màng tàm cồng nha bơ broă lơh geh kuơ màng do. Ồng Nguyễn Sinh Hùng đơs, cồng nha mờ broă lơh kăc màng lơgar Việt Nam dê, Gơnoar ala măt dà lơgar Việt Nam dê là geh kờ` bal, dong kờl bơh làng bol mờ Gơnoar ala măt dà lơgar Campuchia. 2 nă kuang atbồ Gơnoar ala măt dà lơgar bơh 2 lơgar dê neh ring bal tơnguh broă tam gơl mpồl kuang bàng ală kơnă, lơh broă bal, tam pà bal broă mờng chài lơh adăt boh lam mờ kuơ màng ngan là kờ` bal tàm ală dơ\ pơrjum cri bơyai tàm Gơnoar ala măt dà lơgar. Ồng Nguyễn Sinh Hùng pin dờn là, nùs nhơm tam klăc, g^t gơ\p, lơh bơyô bal bơh 2 lơgar, 2 Gơnoar ala măt dà lơgar sơlơ ngai sơlơ tơnguh bơtàu pràn.

        Cau cih mờ yal tơng^t Ndong Brawl