VOV4.K’ho - Mho òr (06/5), tàm hìu lơh broă Gơnoar ala măt dà lơgar, ồng Nguyễn Sinh Hùng, kuang atbồ Gơnoar ala măt dà lơgar neh wă mpồl kuang bàng tàm Gơnoar ala măt [òn lơgar, lơgar Mỹ geh ồng Matt Salom, kuang atbồ mpồl lơh broă châu Á-Thái Bình Dương-anih duh broă, broă lơh bal mờ lơgar ndai Gơnoar ala măt [òn lơgar, lơgar Mỹ lam bồ. Ồng Nguyễn Sinh Hùng chờ hờp wă ồng Matt Salom bal mờ mpồl kuang bàng tàm Gơnoar ala măt [òn lơgar, lơgar Mỹ còp lơgar Việt Nam mờ pin dờn dơ\ tus còp mpồl kuang bàng do dê geh pơgồp bal tàm broă tơnguh broă lơh bal bơh 2 lơgar. Kuơ màng ngan, tơnơ\ mờ 20 nam lơh bè ờs wơl broă lơh bal, 2 lơgar neh geh ală broă lơh tơnguh bơtàu niam, tàm hơ\ uă ngan là tàm broă lơh sa, kă bro bal. Ồng Nguyễn Sinh Hùng đơs là, do là tơngu me tòm kờ` chồl pràn broă tơnguh bơtàu lơh sa lơgar Việt Nam dê, kung bè broă lơh bal bơh 2 lơgar; mờ pơn jờng Gơnoar atbồ lơgar bal mờ Gơnoar ala măt dà lơgar Mỹ tàm broă lơh ngan tơmù ală hoàc huơr tơnơ\ mờ rài tam lơh tàm lơgar Việt Nam lời wơl, kuơ màng ngan là broă tơmù bơta aniai bè sơnơm khih diosin. Ồng Nguyễn Sinh Hùng ưn ngài broă sền gròi, dong kờl mờ lơh bal niam bơh Gơnoar ala măt dà lơgar Mỹ tàm broă bơ\t bơtàu, sền gàr bơta lơngăp lơngai, ring niam tàm châu Á; kơ\p kờ` tàm tơngai tus, 2 lơgar geh pơn jăt tai lơh broă bal, lơh geh cồng nha ală jơnau hơ bal, ring bal bơh 2 Gơnoar atbồ lơgar, 2 Gơnoar ala măt dà lơgar; tam pà bal broă mờng chài lơh adăt boh lam, sền gròi tài bơta kuơ bal bơh làng bol 2 lơgar. Gơnoar ala măt dà lơgar 2 lơgar pal pơn jăt tai dong kờl bal tàm ală dơ\ pơrjum gơnoar ala măt dunia.

Cau mblàng Ndong Brawl