VOV4.K’ho – Mho òr 15/12, tàm Hìu Gơnoar ala mat dà lơgar dê, ồng Nguyễn Sinh Hùng kuang atbồ Gơnoar ala mat dà lơgar wa\ rò Mpồl kuang bàng ala mat Gơnoar ala mat kơnă dà lơgar Nhờk bơh ồng Koshiishi Azuma kuang jat jơng atbồ Gơnoar ala mat kơnă dà lơgar Nhờk lam bồ gam geh dơ\ lòt còp mờ lơh broă tàm lơgar Việt Nam.

Ala mat Gơnoar ala mat dà lơgar, ồng Nguyễn Sinh Hùng chờ gờm ồng Koshiishi Azuma mờ Mpồl kuang bàng ala mat dờng màng Gơnoar ala mat kơnă dà lơgar Nhờk lòt còp Việt Nam. Ồng Nguyễn Sinh Hùng geh jơnau đơs chờ hờp ngan tềng đap ală broă lơh bơtàu tơnguh uă ngan, pràn kơldang ngan mờ geh kuơ ngan tàm jơh ală broă bơh bơta gi\t gơ\p đah Việt Nam mờ Nhờk tàm ală nam rềp ndo jơh bal tàm broă lơh gùng dră bal, lơh broă mờ lơgar ndai, lơh sa, kă bro mờ tìp mat lơh quèng bal đah làng bol. Ồng Nguyễn Sinh Hùng đơs tờm, Đảng, Dà lơgar mờ Gơnoar ala mat dà lơgar Việt Nam sùm sền dờng màng mờ geh lơh jơh pràn he dê nàng chul chồl bơta gi\t gơ\p lơh bơyô bal, gi\t gơ\p tam klac bal đah bàr Dà lơgar mờ làng bol bàr lơgar Việt Nam mờ Nhờk ngai sơlơ bơtàu tơnguh pràn kơldang tàm tơngai tus, lơh geh jơnau kơ\p kờn bơh bàr gah dê.

Cau cih mờ yal tơngi\t- Lơ Mu K’ Yến