VOV4.K’ho - Mho òr 04/03, tàm [òn dờng Vinh, càr Nghệ An, anih duh broă làng bol càr Nghệ An pơ gồp bal mờ anih priă jền kă bro bal bơcri priă mờ bơtàu tơnguh Việt Nam bơyai lơh pơrjum tìp mat ală cau bơcri priă sơnam pa Ất Mùi. Đơs tàm dơ\ tìp mat, ồng Nguyễn Sinh Hùng kuang atbồ gơnuar ala mat dà lơgar đơs tờm, mpồl Đảng, làng bol càr Nghệ An pal jơh nùs pơ gồp bal mờ ală cau bơcri priă nàng bơt bơtàu càr Nghệ An là 1 càr bơtàu tơnguh dà lơgar dê, nàng pơ gồp bơnah tàm broă lơh ngap lơngai is, khat gơ boh, hờm ram, ngap lơngai làng bol dê, ngan là làng bol tàm càr Nghệ An. Ồng Nguyễn Sinh Hùng tơngkah càr Nghệ An pơnjat tai hòi jà bơcri priă mờ tơr gùm bơt bơtàu, rề ơnàng anih ơ hò ơm tàm dà lềng, gùng dờng Đông Tây nàng ai geh bơta buơn tus mờ broă kă bro gan càr do. Ồng sồr mpồl Đảng, gơnuar atbồ càr Nghệ An ai tơlik broă lơh ngan uă rlau, chồl pràn kờp sền rơndap broă bơtàu tơnguh lơh sa mpồl bơtiàn càr dê tàm tơngai tus. Lơh niam broă rơndap ù tiah, sac rơ wah rơndap broă, cau bơcri priă jat gùng dà broă lơh bơtàu tơnguh kơ\ kơljap.