VOV4.K’ho - Drim òr 24/02, hơ\ là ngai 6 sa tềp Ất Mùi, ồng Nguyễn Sinh Hùng kuang atbồ gơnuar ala mat dà lơgar tus còp mờ nting sa tềp kuang bàng, cau lơh broă cơldu\ lơh broă gơnuar ala mat dà lơgar, anih priă jền dà lơgar Việt Nam. Ồng Nguyễn Sinh Hùng chờ hờp tềng đăp 1 sơnam pa chờ hờp, ngap lơngai tus mờ tơl hìu nhă. Tàm nùs nhơm pa, ồng Nguyễn Sinh Hùng pin dờn ală jơnau tàm lơgar, cribơyai mờ lơgar ndai kuơ màng bơh dà lơgar dê, ală broă lơh dờng màng bơh gơnuar ala mat dà lơgar geh lơh geh cồng nha, pơ gồp bơnah tàm jai pha tơngai lơh broă 5 nam bơh nam 2011 tus nam 2015, nàng mut tàm tơngai pa bơtàu tơnguh mhar mờ kơ\ kơljap tàm bơta lơh sa dà lơgar mờ dunia gam kal ke. Nàng gơtùi lơh geh bơta hơ\, ồng sồr tơl nă kuang bàng, cau lơh broă bơh cơldu\ lơh broă gơnuar ala mat dà lơgar pơnjat tai tam klac, tă pơ gồp bal bơta pràn, dùl nùs bal lơh jơh niam kơ nòl broă, dipal mờ bơta pin dờn bơh Đảng, dà lơgar mờ làng bol jàu, pơ gồp bơnah ngan ngồn tơngkah ală jơnau kuơ màng dà lơgar dê tàm nam 2015.