VOV4.K’ho - Dờp jơnau jà bơh ồng Nguyễn Sinh Hùng kuang atbồ Gơnuar ala mat dà lơgar, mpồl kuang bàng  dờng màng Gơnuar ala mat dà lơgar lơgar Hàn Quốc bơh ồng Chung Ui Hwa kuang atbồ gơnuar ala mat dà lơgar lam bồ geh dơ\ tus còp ngan ngồn lơgar he bơh ngai 17-21/3. Drim òr 18/03, mo tơnơ\ dơ\ wa\ ngan ngồn yu\ rơyùm tàm hìu lơh broa\ gơnuar ala mat dà lơgar, Ba Đình, Hà Nội. Ồng Nguyễn Sinh Hùng mờ ồng Chung Ui Hwa neh geh dơ\ cri bơyai. Tàm dơ\ cri bơyai, ồng Nguyễn Sinh Hùng mờ ồng Chung Ui Hwa neh ring bal pơnjat tai geh mut lơh geh cồng nha jơnau ring bal bơh 2 gơnoar ala mat dà lơgar, sùm cri bơyai mpồl ala\ kơna\, tơngguh broa\ lơh cri bơyai jơnau yal tơnggit, bơta mờng, broa\ lơh bè ala\ bơta tàm kơnhoàl, dunia geh sền gròi bal, tơngguh broa\ lơh git gơp cri bơyai broa\ lơh bal  bơh  kuang gơnuar ala mat dà lơgar, mpồl kuang git gơp gơnuar ala mat dà lơgar bơh 2 lơgar. 2 gah geh pơnjat tai tam klac sền gròi geh cồng nha bơh broa\ mut lơh ala\ kơrnuat, kơrnuat 2 gah bơh gơnuar atbồ bơh 2 lơgar neh ky\, lơh geh bơta adat boh lam geh cồng nha nàng làng bol 2 lơgar khat gơboh lòt rê,  geh bơyai lơh tam tìp lơh broa\ bal, cri bơyai mờ geh sền gàr làng bol bơh 2 lơgar.