VOV4.K’ho - Drim òr 25/03, tàm hìu lơh broa\ Gơnuar ala mat dà lơgar, Ồng Nguyễn Sinh Hùng kuang atbồ gơnuar ala mat dà lơgar wa\ ồng Saber Choudhury kuang atbồ tam klac mpồl gơnuar ala mat dà lơgar  tàm dunia. Ồng Nguyễn Sinh Hùng đơs tờm mờ sơnđan tờm bơh IPU 132 la “Ala\ broa\ lơh bơtàu tơngguh kơljap-bơh bơr đơs gơs broa\ lơh”, Việt Nam kơp kờ` bal mờ mpồl bơtìan dunia, gơnuar ala mat ala\ lơgar lơh geh dùl dunia bơtàu tơngguh kơljap. Ala\ dơ\ pơrjum tàm dơ\ pơrjum geh cồng nha di lah ala\ kơrnuat geh ala\ lơgar kờ` bal jơnhua mờ cồng nha hơ\ geh ai go\ tàm jơnau đơs bơh dơ\ pơrjum. Do la bơrnàng, nàng gơnuar ala mat ala\ lơgar tus bal tàm ala\ bơta gùt plai ù bè sang sơbì jơgloh tơmù rbah, sền gàr bồ dà,  sền gàr ngap lơngai mờ ờ do ờ da\. Ồng Nguyễn Sinh Hùng kung ai git,  pơrjum dờng IPU 132 geh mpồl đơng lam Đảng, Dà lơgar mờ Gơnuar atbồ dà lơgar Việt Nam kung bè ala\ kuang bàng gơnuar ala mat dà lơgar mờ cau te\ khà sền gròi ngan. Tơl broa\ lơh, tơl pơrjum geh mblàng pràn ngan mờ ua\ broa\ lơh geh pờ tơlik tơn tềng anih sơndio rùp Gơnuar ala mat dà lơgar Việt Nam.

}au mblàng K’ Brọp