VOV4.K’ho - Tơn jơh niam bơne\ dơ\ tus còp mùl màl lơgar Bồ Đào Nha, drim do (05/6), jăt jơ lơgar Việt Nam, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar bal mờ pơ-ùr mờ mpồl kuang bàng tàm Gơnoar atbồ lơgar he neh tus càr lơgar Sofia, còp mùl màl lơgar Bulgari jăt jơnau jà bơh ồng Boyko Borissov, kuang gơs gơnăp gơnoar atbồ hờ đang rơlao jơh dà lơgar lơgar Bulgari. Do là dơ\ tus còp mùl màl lơgar Bulgari sơnrờp ngan bơh ồng Nguyễn Tấn Dũng dê tàm tơngai at gơnoar dờng tàm Gơnoar atbồ lơgar Việt Nam. Jăt broă tus còp, ồng Nguyễn Tấn Dũng geh ală dơ\ tìp, cri bơyai mờ ală kuang bàng đơng lam lơgar Bulgari mờ tìp mờ anih lơh sa kă bro lơgar do kờ` chồl pràn broă lơh sa, kă bro mờ bơcri priă bơh lơgar Việt Nam mờ lơgar Bulgari, di pal mờ broă lơh g^t gơ\p, lơh bơyô bal ờs mờng niam bơne\, tơnguh jơh bơta pràn, bơta kuơ bơh 2 lơgar kờ` tơnguh bơtàu, mờ pơn jăt tai tơnguh mờ pờ ơnàng broă lơh bal tàm ală gah bơhiàn bè bơto bơtê mờ bơsram, bơta chài rơgơi, nhơl chờ, khoa học-công nghệ, lơngăp lơngai, sền gàr dà lơgar, lơh broă mờ chồl pràn broă lơh bal bơh ală tiah 2 lơgar dê.

Cau mblàng Ndong Brawl