VOV4.K’ho – Tềng bơdìh pơrjum dờng ASEAN dơ\ 26 bơyai lơh tàm lơgar Malaysia, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh geh ală dơ\ tìp bal mờ ồng Najib Tun Rajak, kuang gơs gơnăp gơnoar atbồ hờ đang rơlao jơh dà lơgar lơgar Malaysia mờ là kuang atbồ mpồl ASEAN nam 2015 mờ ồng Benigno Aquino III, kuang atbồ lơgar Philippines. Ồng Nguyễn Tấn Dũng mờ ồng Najib Tun Rajak neh ring bal là broă lơh g^t gơ\p, lơh bơyô bal, lơh broă bal tơl ală bơta bơh 2 lơgar pơn jăt tai tơnguh bơtàu niam bơne\; ring bal bè gùng dà tơnguh broă lơh bal bơh 2 lơgar dê tàm tơngai tus.

Tàm dơ\ tìp bơh ồng Nguyễn Tấn Dũng bal mờ ồng Bennigno Aquino III, 2 gah neh tơl^k nùs nhơm di pal ngan bè broă tơnguh biơtàu bal bơh lơgar Việt Nam mờ lơgar Philippines dê, tài bơta kuơ bal bơh 2 lơgar mờ ală bơta kuơ bal tàm tiah do dê, ồng Nguyễn Tấn Dũng mờ ồng Bennigno Aquino III neh cri bơyai bal bè ală broă lơh mùl màl kờ` pờ ơnàng broă lơh bal bơh 2 lơgar tàm gah lơh sa suơn sre mờ kă bro phe, lơh broă bal dà lềng, lơngăp lơngai jơnau tơng^t, tam dră mờ cau tìs ală lơgar.

Cau mblàng Ndong Brawl