VOV4.K’ho -  Mho òr 03/03, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar, mờ là kuang atbồ anih duh broă dà lơgar bè tam gơl trồ tiah neh đơng lam pơrjum dơ\ 6 anih duh broă dà lơgar bè tam gơl trồ tiah geh bơyai lơh tàm hìu lơh broă Gơnoar atbồ lơgar. Đơs tàm pơrjum, ồng Nguyễn Tấn Dũng đơs tòm: lơgar Việt Nam là 1 tàm ală lơgar dờp aniai uă ngan bơh tam gơl trồ tiah mờ dà lềng gơguh tih. Ală broă aniai do sơlơ ngai sơlơ loh làng ngan mờ sơlơ ngai sơlơ dờng tàm mùl màl. Sơndră mờ tam gơl trồ tiah là broă pal lơh sùm, jo\ jòng mơya pal geh broă lơh tòm, broă lơh geh kuơ, pal pơgồp bal tàm rơndăp broă tơnguh bơtàu lơh sa-mpồl bơtiàn bơh ală kơnă, ală gah, mpồl lơh broă mờ ală tiah dê. Tàm nùs nhơm do, ồng Nguyễn Tấn Dũng sồr pơn jăt tai chồl pràn broă lơh jăt, lam sồr lơh jăt kơrnoăt dà lơgar bè rơcang sơndră mờ tam gơl trồ tiah, tơnguh broă sền gàr phan geh is mờ sền gàr tiah kis tus mờ tơl gah, mpồl lơh broă, tơl kơnă mờ tơl nă làng bol. Anih duh broă dà lơgar bè tam gơl trồ tiah tơrgùm sền wơl mờ dờp sền wơl broă ai khà ù tiah lơh broă bơh tơl gah, tơl tiah mờ geh broă lơh tòm tàm tơngu me kơlôi sơnơng khoa học.