VOV4.K’ho - Mho òr (29/12), tàm hìu lơh broă Gơnoar atbồ lơgar, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh đơng lam pơrjum Gơnoar atbồ lơgar bè ờs nhai 12. Pơrjum do geh tơrgùm cri bơyai bè rơndăp broă jơnau yal broă lơh tơngai bơh nam 2011 tus 2016 Gơnoar atbồ lơgar, Kuang gơs gơnăp gơnoar atbồ hờ đang rơlao jơh dà lơgar dê.

Ồng Nguyễn Tấn Dũng neh tơrgùm mblàng ală broă neh lơh niam, ală broă lơh gam ờ hềt geh cồng nha tàm broă đơng lam tơngai pa do mờ đơs, tàm tơngai lơh broă, Gơnoar atbồ lơgar neh nền nòn lơh jăt niam gùng dà, kơrnoăt bơh Đảng, Gơnoar ala măt dà lơgar; mùl màl jơh mờ ală broă lơh, rơndăp broă lơh mùl màl tàm broă lơh; lơh jăt kơnòl geh tơrgùm bal, tơl ală bơta mờ geh lơh di pal mùl màl; pơgồp kơnòl tơnguh bơtàu lơh sa-mpồl bơtiàn mờ sền gàr dà lơgar, bơta lơngăp lơngai, tơl niam broă gơguh jăk, ndrờm bal mpồl bơtiàn, tơnguh rài kis tơl ală bơta làng bol in…

Sền wơl jơnau yal bè broă lơh adăt boh lam, kơrnoăt sồr mờ tơl^k sră nggal nền nòn tàm broă lơh jăt adăt boh lam, kơrnoăt sồr nam 2015 mờ kơnòl nam 2016… Ồng Nguyễn Tấn Dũng sồr ală gah, mpồl lơh broă dà lơgar tàm tơngai tus pơn jăt tai sền gropì lơh geh cồng nha rơlao tai broă lơh do, tơl niam bơta pràn, kòn bơnus lơh broă, lơh ngan tus jơh 3 nhai bồ nam 2016 lơh gơs ală sră nggal gam dồs tàm nam 2015 kung bè sră nggal bơto sồr lơh jăt ală adăt boh lam geh ngui bơh 1/1/2016.

        Cau cih mờ yal tơng^t Ndong Brawl