VOV4.K’ho - Drim òr (03/3), tàm Hà Nội, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh đơng lam dơ\ pơrjum yal rơndăp broă lơh ù tiah càr lơgar Hà Nội tus nam 2030 mờ wèt tus nam 2050 geh anih đơng lam tòm ai khà ù tiah mờ bơcri priă lơh càr lơgar Hà Nội bơyai lơh. Ù tiah geh ai lơh càr lơgar geh jơh tiah nhàr bơh càr lơgar Hà Nội mờ 9 càr gùt dar, tàm hơ\ geh càr Phú Thọ, Thái Nguyên mờ Bắc Giang là 3 càr geh rề ơnàng ù tiah tai tàm rơndăp broă ai khà ù tiah mờ kờp jơh khà kờp làng bol geh 17 tơlăk 600 rơbô nă. Kờp jơh ù tiah càr lơgar geh ơnàng rơlao 24 rơbô 300 kơi sồ, tơnguh mờr 2 dơ\ jăt mờ lài do. Wèt tus broă ai khà ù tiah càr lơgar Hà Nội tus nam 2050 geh là tiah [òn drà dờng ơnàng, geh gơnoar lơh sa tơrgùm bal ờ mìng dà lơgar mờ geh bal tàm châu Á – Thái Bình Dương. Đơs tàm dơ\ tơn jơh pơrjum, ồng Nguyễn Tấn Dũng neh đơs tòm: Ù tiah, gơnoar kuơ màng càr lơgar Hà Nội mờ broă tơnguh bơtàu di pal tơnơ\ mờ tu\ lơh jăt broă ai khà ù tiah lơh càr lơgar. Mpồl đơng lam ai khà ù tiah mờ bơ\t bơtàu lơh càr lơgar bal mờ ală càr ai tơl^k ală broă lơh kờ` ai tơl bơta niam lơh jơh bơta geh, bơta pràn kờ` tơnguh bơtàu.

        Cau cih mờ yal tơng^t Ndong Brawl