VOV4.K’ho - Drim òr 08/02, tàm [òn dờng Hồ Chí Minh, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar neh tus còp hìu bơsram dờng Tôn Đức Thắng. Do là hìu bơsram dờng dà lơgar lơh geh kuang gơs gơnăp gơnoar atbồ hờ đang rơlao jơh dà lơgar ai lơh jăt kơrnoăt lơh tòm priă jền, geh tơl^k is khà priă tă bơsram mờ lơh jăt ală kơnòl priă jền jăt kơrnoăt bè 1hìu bơsram ờ di dà lơgar lơh. Ồng Nguyễn Tấn Dũng đơs tòm, gùng dà broă lơh bơh Đảng tam gơl pa broă bơto bơtê du\t ndơl là kờ` tơnguh uă cồng nha broă bơto bơtê tàm ală kai bơsram, tơnguh niam khà kuang bàng lơh broă. Ồng Nguyễn Tấn Dũng sồr hìu bơsram dờng Tôn Đức Thắng tơnguh nùs nhơm rơcang lài, bơceh pa, pơn jăt tai lơh gơs kơrnoăt lơh tòm, dờp kơnòl kờ` tơrgùm tơnguh bơtàu geh cồng nha rơlao broă bơto bơtê jăt khà niam, di pal mờ broă kờ` mpồl bơtiàn dê. Ồng Nguyễn Tấn Dũng đơs, gơnuar atbồ lơgar tu\ lơi kung kờ` dong kờl, bơsong ală kal ke bè ù tiah, priă càn mờ priă cồng ờ uă kờ` hìu bơsram dờng Tôn Đức Thắng pơn jăt tai lơh gơs broă tơnguh bơtàu phan bơna, pơgồp bal tàm broă tơnguh broă lơh dờng mờ geh khà niam tàm broă bơto bơtê mờ bơsram kung bè lơh gơs broă lơh tòm sơlơ ngai sơlơ geh cồng nha rơlao.