VOV4.K’ho - Mho òr (23/2), tàm hìu lơh broă Gơnoar atbồ lơgar, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh wă ồng Tsutomu Takebe, kuang dong broă kuơ màng mpồl tam klăc g^t gơ\p lơh bơyô bal bơh lơgar Nhờk mờ lơgar Việt Nam gam còp mờ lơh broă tàm lơgar Việt Nam.

Di tàm dơ\ tus còp bơh ồng Tsutomu Takebe dê, ồng Nguyễn Tấn Dũng neh đơs niam ală broă lơh mờ pơgồp bal bơh ồng Tsutomu Takebe dê tàm broă pơgồp bal tơnguh broă lơh bal bơh lơgar Việt Nam mờ lơgar Nhờk, tàm hơ\ geh broă chồl pràn rơndăp broă lơh hìu bơsram dờng Việt Nhật-do là 1 rùp rài broă lơh bal bơh 2 lơgar dê. Ồng Nguyễn Tấn Dũng tơl^k nùs nhơm chờ hờp bè broă lơh bal kuơ màng uă bơta bơh lơgar Việt Nam mờ lơgar Nhờk tàm tơngai do, mờ pơn jăt tai tơnguh bơtàu niam bơne\ tàm ală gah lơh broă mờ đơs, lơgar Việt Nam geh sền kuơ broă lơh bal kuơ màng mờ lơgar Nhờk; mờ pin dờn broă lơh bal bơh 2 lơgar dê geh pơn jăt tai tơnguh bơtàu pràn, cèng wơl cồng nha geh kuơ 2 lơgar in, 2 jơi bơtiàn mờ làng bol 2 lơgar in, pơgồp bal tàm broă geh bơta lơngăp lơngai, ring niam, lơh broă bal mờ tơnguh bơtàu tàm tiah do mờ tàm dunia.

        Cau cih mờ yal tơng^t Ndong Brawl