VOV4.K’ho - Mho òr (04/9), ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar tus pơrjum mu\t lơh rơndăp broă lơh ồs đèng dà lơgar ai ntum bồt dà lềng Lại Sơn, tàm [òn Xẻo Nhàu, ntum Tân Thạnh, kơnhoàl An Minh, càr Kiên Giang. Tàm dơ\ mu\t lơh, ồng Nguyễn Tấn Dũng neh đơs niam Gah kă bro dà lơgar, Mpồl lơh ồs đèng Việt Nam, Anih lơh sa kă bro ồs đèng đah jum dà lơgar tàm broă lơh sa-mpồl bơtiàn dà lơgar gam uă kal ke, mơya ală nam do ồs đèng Việt Nam neh lơh ngan sơlèt kờ` lơh ồs đèng làng bol in, tàm hơ\ kuơ màng ngan là làng bol kis tàm ală ntum bồt dà lềng kờ` geh ồs đèng dà lơgar ngui niam mờ geh sùm. Ồng Nguyễn Tấn Dũng kung sồr anih lơh sa kă bro bơcri priă lơh, ală mpồl lơh broă lơh pơgồp bal nền nòn mờ gơnoar atbồ ntum bal mờ làng bol tàm ntum do lơh jăt nền nòn ală kơrnoăt adăt boh lam, lơh di mờ ală broă lơh bal, rơndăp broă mờ Kuang gơs gơnăp gơnoar atbồ hờ đang rơlao jơh dà lơgar neh k^, tơl niam kờ` gờ` ai ồs đèng ntum bồt dà lềng Lại Sơn in geh ngui tàm bồt nam 2016. Ồng Nguyễn Tấn Dũng neh sồr càr Kiên Giang. Mpồl lơh ồs đèng Việt Nam gờ` ai ồs đèng dà lơgar tus tàm ală ntum bồt dà lềng gam tai tàm càr Kiên Giang in, ai lài tơrgùm ală ntum bồt rềp bal.

Cau mblàng Ndong Brawl