VOV4.K’ho - Tềng gah pơrjum dờng mpồl ASEAN dơ\ 27 mờ ală pơrjum dờng gơrềng bal tàm càr lơgar Kuala Lumpur, lơgar Malaysia, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh tìp mờ ồng Barack Obama, kuang atbồ lơgar Mỹ, ồng Medvedev, kuang gơs ơnăp gơnoar atbồ hờ đang rơlao jơh dà lơgar Nga, ồng Malcolm Turnbull, kuang gơs gơnăp gơnoar atbồ hờ đang rơlao jơh dà lơgar Australia, ồng Joko Widodo, kuang atbồ lơgar Indonesia, ồng Prayuth Chan oCha, kuang gơs gơnăp gơnoar atbồ hờ đang rơlao jơh dà lơgar Thái Lan.

-Tìp mờ ồng Barack Obama, ồng Nguyễn Tấn Dũng neh đơs, lơgar Việt Nam kơ\p kờ` tơnguh broă lơh bal kuơ màng tơl ală bơta, geh cồng nha mờ lơgar Mỹ. Ưn ngài ồng Barack Obama neh lơh ngan pơgồp bal mờ kuang bàng ală lơgar tàm mpồl tơn jơh geh cồng nha dơ\ pơrjum cri bơyai broă lơh sa gan Thái Bình Dương TPP, ồng Nguyễn Tấn Dũng sồr lơgar Mỹ pơgồp pràn rơlao tai tàm broă tơl niam lơngăp lơngai, ring niam mờ pas gơs tàm tiah do, tàm hơ\ geh bal tàm dà lềng đah măt tơngai l^k.

-Tàm dơ\ tìp bal mờ ồng Medvedev, ồng Nguyễn Tấn Dũng di nùs ngan mờ cồng nha lơh sa-kă bro, bơcri priă tàm tơngai do, kuơ màng ngan là broă k^ hơ bal kơrnoăt kă bro khăt gơboh bơh lơgar Việt Nam mờ mpồl tam klăc lơh sa bal châu Á mờ châu Âu, pờ tơl^k broă lơh pa dờng màng kờ` chồl pràn broă lơh bal bơh 2 lơgar dê. Ồng Nguyễn Tấn Dũng sồr lơgar Nga, mờ là lơgar lam lài mpồl tam klăc bal lơh sa châu Á mờ châu Âu, gờ` k^ mờ chồl pràn ală lơgar tàm mpồl ndai kờ` kơrnoăt hơ bal geh ngui.

-Tàm dơ\ tìp bal bơh ồng Nguyễn Tấn Dũng mờ ồng Malcolm Turnbull, kuang gơs gơnăp gơnoar atbồ hờ đang rơlao jơh dà lơgar Australia, 2 gah neh cri bơyai mờ ring bal ală broă tơnguh broă lơh bal gah gùng dră bal, lơh sa, kă bro, bơcri priă, nhơl chờ, bơto bơtê mờ bơsram… ồng Nguyễn Tấn Dũng sồr lơgar Australia ai tơl bơta [uơn kờ` ală phan geh lơh bơh broă lơh sa suơn sre, phan tàm dà lơgar Việt Nam tìp mờ anih kă bro lơgar Australia.

-Tàm dơ\ tìp mờ ồng Joko Widodo, kuang atbồ lơgar Indonesia, 2 nă kuang bàng đơng lam neh cri bơyai bal ală broă kờ` tơnguh broă lơh bal, cri bơyai bal bơh 2 lơgar tàm ală gah gùng dră bal, lơh broă bal mờ lơgar ndai, kă bro, bơcri priă, sền gàr bơta lơngăp lơngai dà lơgar, lơh broă bal dà lềng.

-Tàm dơ\ tìp mờ cri bơyai mờ ồng Prayuth Chan ocha, kuang gơs gơnăp gơnoar atbồ hờ đang rơlao jơh dà lơgar lơgar Thái Lan bè ờ uă broă lơh kuơ màng tàm broă lơh bal, tàm hơ\ uă ngan là lơh broă bal bè broă lơh bal mờ lơh ka, ồng Nguyễn Tấn Dũng sồr 2 gah lơh jăt niam sră kah bal bè lơh broă bal tàm lơh broă; sồr lơgar Thái Lan ai tơl bơta [uơn cau lơh broă lơgar Việt Nam tàm lơgar Thái Lan mờ ai ală cau lơh broă khăt gơboh lơgar Việt Nam tàm lơgar Thái Lan geh dan sră mờ pơn jăt tai lơh broă tu\ do.

        Cau cih mờ yal tơng^t Ndong Brawl