VOV4.K’ho - Mho òr 09/02, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar bal mờ mpồl kuang bàng tàm Gơnoar atbồ lơgar neh tus còp, lơh broă tàm càr Dak Nông bè broă tơnguh bơtàu lơh sa-mpồl bơtiàn càr do dê. Đơs tàm dơ\ lơh broă mờ kuang bàng tòm càr Dak Nông, ồng Nguyễn Tấn Dũng neh đơs niam, pơn jờng ală broă tơnguh bơtàu lơh sa-mpồl bơtiàn tơl mờ ală bơta càr Dak Nông dê neh geh tàm ală nam pa do. Ồng Nguyễn Tấn Dũng sồr, kuang bàng đơng lam càr Dak Nông tơrgùm đơng lam pràn, lơh ndrờm bal ală broă, lơh ngan geh mờ sơlèt uă ngan kơnòl, khà tơnguh bơtàu lơh sa-mpồl bơtiàn neh ai tàm nam 2015 pơgồp bal mờ lơh geh cồng nha pơrjum dờng Đảng ală kơnă. Ồng Nguyễn Tấn Dũng tơnkah càr Dak Nông sền gròi tus mờ broă hòi jà bơcri priă tơnguh bơtàu ală anih nhơl chờ mờ lơh broă; tơnguh bơtàu lơh sa pơgồp bal mờ tơrgùm chồl pràn broă lơh jăt broă bơ\t bơtàu [òn lơgar pa, tơmù rơ[ah mhar, tàm hơ\ uă ngan la tàm tiah làng bol kòn cau; pơn jăt tai bơ\t bơtàu gùng dră bal pràn kơl dang, tơnguh broă lơh bal mờ lơgar bơdìh mờ ală càr rềp bal mờ lơgar Campuchia, mờ pơn jăt tai tơnguh broă sền gàr dà lơgar, bơta lơngăp lơngai sơlơ ngai sơlơ kơl jăp.