VOV4.K’ho - Dờp jơnau jà bơh ồng Najib Tun Abdul Razak, kuang gơs gơnăp gơnoar atbồ hờ đang rơlao jơh dà lơgar lơgar Malaysia, mho òr, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh lam bồ mpồl kuang bàng lơgar Việt Nam tus lơgar Malaysia pơrjum dờng mpồl ASEAN dơ\ 26 tàm 2 ngai bơh ngai 26 tus 27/4 tàm 2 anih bơyai lơh là càr lơgar Kula Lumpur mờ [òn dờng Langkawi. Mpồl kuang bàng lơgar Việt Nam geh ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar lam bồ tus pơrjum dờng mpồl ASEAN dơ\ 26 pơn jăt tai tơnguh gơnoar rơang lài, `hăp `har mờ geh kơnòl tus mờ hìu ơm bal ASEAN, tàm hơ\ uă ngan là broă chồl pràn broă pơgồp bal mpồl sơlơ ngai sơlơ đềt mềr rơlao, ală broă lơh ngai sơlơ mùl màl mờ geh cồng nha rơlao. Tàm nùs nhơm do, tàm pơrjum dờng mpồl ASEAN dơ\ 26, ồng Nguyễn Tấn Dũng geh bal mờ kuang bàng đơng lam ală lơgar tàm mpồl ASEAN tơrgùm cri bơyai bè gùng dà bal mờ broă pơn jăt tai chồl pràn lơh gơs mpồl bơtiàn ASEAN; bơ\t bơtàu broă sền gròi mpồl bơtiàn tơnơ\ mờ nam 2015; tơnguh broă bơyai lơh mờ gùng dà broă lơh; tơnguh broă lơh bal mờ lơgar bơdìh, gơnoar tòm mpồl ASEAN dê kung bè mbàng, ring bal broă bơsong ală kal ke gam gơl^k geh tus mờ mpồl ASEAN mờ cri bơyai bè broă lơh tàm tiah do mờ dunia geh sền gròi bal.

Cau mblàng Ndong Brawl