VOV4.K’ho - Drim òr (30/9), tàm Hà Nội, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh tus mờ geh jơnau đơs tàm dơ\ pơrjum cri bơyai broă bơcri priă gùt dunia Việt Nam geh Gah rơndăp broă mờ bơcri priă dà lơgar pơgồp bal mờ pang [ăo priă jền châu Âu (Euro Money) bơyai lơh. Do là dơ\ kờ` Gơnoar atbồ lơgar pơyoa jơnau yal tus mờ ală anih lơh sa kă bro lơgar bơdìh in bè bơta pràn tơnguh bơtàu lơh sa kung bè dơ\ kờ` chồl pràn broă lơh sa, kă bro, bơcri priă tàm lơgar Việt Nam. Ồng Nguyễn Tấn Dũng neh yal tơrgùm ală cồng nha geh pơnrơ ngan lơgar Việt Nam dê tơnơ\ mờ 30 nam tam gơl pa, tàm hơ\ uă ngan là 5 nam pa do. Lơgar Việt Nam kung là lơgar lơh gơs lài mờ tơngai uă khà tơnguh bơtàu rơbô nam mờ broă lơh sa lơgar Việt Nam gam mu\t bal tàm broă tơnguh pa, lơh sa ring niam mờ wèt tus khà tơnguh bơtàu kơl jăp mờ khà geh bơh lơh sa (GDP) tơnguh bơh 6,5 tus 7% tàm 5 nam tus. Pơn jờng ală anih lơh sa kă bro lơgar bơdìh tus bơcri priă, kă bro ring niam, jo\ jòng tàm lơgar Việt Nam, ồng Nguyễn Tấn Dũng neh đơs tòm, cồng nha bơh anih lơh sa kă bro lơgar bơdìh kung là cồng nha lơgar Việt Nam dê.

        Cau cih mờ yal tơng^t Ndong Brawl