VOV4.K’ho - Mang òr (26/4), ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar bal mờ kuang bàng đơng lam ală lơgar tàm mpồl ASEAN tus bal dơ\ wă sa chờ gờm pơrjum dờng mpồl ASEAN dơ\ 26 geh ồng Najib Tun Abdul Razak, kuang gơs gơnăp gơnoar atbồ hờ đang rơlao jơh dà lơgar lơgar Malaysia bal mờ pơ-ùr đơng lam bơyai lơh. Ngai do (27/4), tàm hìu pơrjum dunia càr lơgar Kula Lumpur, geh bơyai lơh dơ\ mu\t pơrjum dờng mpồl ASEAN dơ\ 26, pơrjum tơrgùm bal mờ pơrjum bơh ală kuang bàng đơng lam mpồl ASEAN mờ mpồl tam klăc Gơnoar ala măt mpồl ASEAN mờ mpồl dong broă kă bro mpồl ASEAN. Mờ tơngu me “Làng bol he dê, mpồl bơtiàn he dê, jơnau kơlôi sơnơng he dê”, ồng Nguyễn Tấn Dũng neh bal mờ kuang bàng đơng lam ală lơgar tàm mpồl ASEAN tơrgùm cri bơyai gùng dà mờ broă chồl pràn lơh gơs mpồl bơtiàn ASEAN; bơ\t bơtàu nùs nhơm kơlôi sơnơng mpồl ASEAN tơnơ\ nam 2015; tơnguh broă bơyai lơh mờ bơta niam lơh broă mpồl ASEAN; tơnguh broă lơh bal mờ lơgar bơdìh, gơnoar tòm mpồl ASEAN kung bè broă mblàng, ring bal broă bơsong ală kal ke gam gơl^k geh tus mờ mpồl ASEAN mờ cri bơyai bè broă tàm tiah do bal mờ dunia geh swền gròi bal.

Cau mblàng Ndong Brawl