VOV4.K’ho - Tàm nùs nhơm chờ gùt Đảng, gùt làng bol, gùt ling klàng lơgar he gam bơyai lơh ală broă tơnkah 40 nam ngai tơnklàs đah jum, dà lơgar tơrgùm bal (30/4/1975-30/4/2015) mho òr (22/4), tàm hìu lơh broă Gơnoar atbồ lơgar, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh geh dơ\ tìp măt mờ 100 nă kuang bàng ala măt bơh g^t nđờ tơl^k nă cau ling yau mờ ơruh pơnu lơh broă lam lài, lài do tus bal tam lơh mờ ling lơgar Mỹ sò tơn tơnklàs dà lơgar. Neh rơlao 25 nam bơ\t bơtàu mờ gơs dờng, mpồl cau ling yau sùm lơh gơs jăk chài kơnòl Đảng dà lơgar jàu, lam sồr cau ling yau tam klăc, tơnguh nùs nhơm niam, bơhiàn “Cau ling Bác Hồ” tus bal tàm broă bơ\t bơtàu, sền gàr dà lơgar. Tus tu\ do, mpồl cau ling yau Việt Nam geh mờr 3 tơlăk nă, pơrjum bal tàm rơlao 16 rơbô mpồl. Ala măt Gơnoar atbồ lơgar, ồng Nguyễn Tấn Dũng neh đơs, Đảng, Dà lơgar, ling klàng mờ làng bol sùm kah tus mờ ală broă mờ cau ling yau, mpồl ơruh pơnu lơh broă lam lài, lài do neh tam lơh khin cha jăk chài tàm rài tam lơh mờ ling lơgar Mỹ sò tơn, tơnklàs dà lơgar; mờ sền gròi, geh broă dong kờl di pal mờ broă lơh sa-mpồl bơtiàn dà lơgar dê kờ` drơng ală cau geh sră dong kờl, chồl pràn rơlao tai broă “Kis g^t jơnau g^t adăt”.

Cau mblàng Ndong Brawl