VOV4.K’ho - Mho òr (27-7-2015), tàm hìu lơh broă Gơnoar atbồ lơgar, ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar neh wă ồng Mauro Luiz Vieira, kuang atbồ gah cri bơyai broă lơh bal mờ lơgar ndai lơgar Brazil gam còp mùl màl lơgar Việt Nam. Ồng Nguyễn Tấn Dũng pơn jờng dơ\ tus còp bơh ồng Mauro Luiz Vieira mờ  đơs niam cồng nha cri bơyai bơh kuang atbồ gah cri bơyai broă lơh bal mờ lơgar ndai 2 lơgar dê; mờ đơs là, dơ\ tus còp geh là 1 broă pơgồp bal kuơ màng tơnguh broă lơh bal bơh 2 lơgar dê. Ồng Nguyễn Tấn Dũng đơs tòm, lơgar Việt Nam sền kuơ mờ kơ\p kờ` bal mờ lơgar Brazil chồl pràn uă broă lơh bal bơh 2 lơgar dê tàm ală gah lơh broă, cèng wơl bơta kuơ tus mờ 2 lơgar dê.

Cau mblàng Ndong Brawl