VOV4.K’ho – Tàm dơ\ lòt còp ngan ngồn lơgar Thái Lan, mho òr (23/7), ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam neh geh dơ\ tìp mat cribơyai broă mờ ồng Pornpetch Wichitcholchai Kuang atbồ Gơnoar ala mat dà lơgar Thái Lan. Ồng Pornpetch Wichitcholchai đơs niam ngan cồng nha dơ\ lòt còp Thái Lan bơh ồng Nguyễn Tấn Dũng dê dơ\ do geh pờ tơlik tu\ tơngai niam mờ ală jơnau kơ\p kơnờm tam kla\c lơh broă bal pa đah bàr lơgar; kơ\p kờ` bàr lơgar pơgồp bal niam bơyai lơh uă broă lơh geh kuơ ngan tàm nam 2016. Ồng Nguyễn Tấn Dũng neh yal mờ ồng Pornpetch Wichitcholchai bè cồng nha dơ\ cri bơyai broă mờ ồng Prayut Chan-ocha kuang gơs gơnăp gơnoar atbồ hơđang rlau jơh dà lơgar Thái Lan mờ dơ\ pơrjum Gơnoar atbồ lơgar bal Việt Nam mờ Thái Lan dơ\ 3, ngan là broă bàr Gơnoar atbồ lơgar neh k^ Jơnau yal bơr bal bè Pơrjum Gơnoar atbồ lơgar mờ k^ 4 jơnau cribơyai ring bal; tàm hơ\ geh Jơnau yal bơr bal neh đơs uă ală gùng dà broă lơh chul chồl bơta g^t gơ\p bàr lơgar bơtàu tơnguh tơl làm tàm ală broă gùng dră bal, lơh broă mờ lơgar ndai, lơh sa, kă bro, bơto bơtê, nhơl chờ, sền gàr dà lơgar, lơngăp lơngai…tàm nùs nhơm tam kla\c bơtàu tơnguh bal, tài bơta kuơ bơh làng bol 2 lơgar dê mờ bơta bơtàu tơnguh bơh Asean dê.

                                                              Cau mblàng Lơ Mu K’ Yến