VOV4.K’ho - Drim òr 08/02, tàm Anih tă priă lòt gùng Dầu Giây, [òn Trần Hưng Đạo, ntum Xuân Thanh, kơnhoàl Thống Nhất, càr Đồng Nai, Gah Gùng lòt pơndiang phan dà lơgar ngan ngồn ai rơndeh in lòt mờ ai ngui jơh gùt gơl gùng rơndeh ntoat rat [òn dờng Hồ Chí Minh- Long Thành- Dầu Giây. Đơs tàm dơ\ bơyai lơh, ồng Nguyễn Tấn Dũng kuang gơs gơnăp gơnoar atbồ hơđăng rlao jơh dà lơgar, đơs niam ngan, mờ jờng rơ Gah Gùng lòt pơndiang phan dà lơgar, Mpồl lơh sa kă bro dờng bơtàu tơnguh gùng rơndeh ntoat rat Việt Nam mờ ală Gah, sơnah lơh broă geh gơ rềng. Ồng Nguyễn Tấn Dũng, đơs tờm:“ Rơndăp broă lơh geh bơta kuơ dờng màng ngan tàm bơtàu tơnguh lơh sa- mpồl bơtiàn. Kờn pal kơlôi sơ nơng rơndăp ù tiah nàng bol he bơtàu tơnguh dùl bă niam bè rơndăp ù tiah bơtàu tơnguh lơh sa mờ măi moc\, broă lơh sa sươn sre, rơndăp ù tiah bơtàu tơnguh bòn làng bol ơm kis. Hơ\ sồng rơndăp ù tiah bơtàu tơnguh phan bơna nàng dùl ròt bal ală rơndăp broă lơh gùng rơndeh ntoăt răt do. Mơkung lơh geh broă lơh ai làng bol neh pal dô ơm tus tiah ơm pa nàng lời ù lơh broă do. Bol he kung pal lơh jơh tơngai dơ\ 2 bơh gùng Hồ Chí Minh kung tơrbo\ bal tus Pác Bó- Cao Bằng mờ Mũi Cà Mau. Kuơmàng là gơl gùng Hồ Chí Minh lòt gan Tây Nguyên kung pal lơh jơh tàm nam do, chul chồl bơtàu tơnguh lơh sa mpồl bơtiàn, bơtàu tơnguh rài kis làng bol tiah Tây Nguyên dê”.