VOV4.K’ho – Tàm tơngu me tus còp ngan ngồn lơgar Algeria, mang òr (31/5), jat jiơ Việt Nam, tàm hìu nac Gơnoar atbồ lơgar El Mithak tàm càr lơgar Algie, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh cribơyai mờ mờr 300 mpồl lơh sa kă bro lơgar Việt Nam mờ lơgar Algeria.

Ồng Nguyễn Tấn Dũng, kuang gơs gơnăp gơnoar atbồ hờ đang rơlao jơh dà lơgar bal mờ kuang atbồ gah lơh broă 2 lơgar tus pơrjum cri bơyai mờ anih lơh sa kă bro

            Ồng Nguyễn Tấn Dũng đơs tờm: Việt Nam sền dờng màng mờ đơs niam ngan bơta pràn tam klac bơcri priă, kă bro mờ lơgar Algeria mờ pà git tàm dơ\ tus còp ngan ngồn lơgar Algeria dơ\ do, geh tus bal dơ\ mut ngui dra khoàng, rơcang dờp khà zờu sơnrờp bơh rơndap broă tam klac lơh broă bal đah Mpồl lơh sa kă bro jòi mờ tơnhàu nhơm zờu Việt Nam mờ mpồl lơh sa kă bro nhơm zờu dà lơgar Algeria SONATRACH. Bơh nùs nhơm do, ồng Nguyễn Tấn Dũng neh iat mờ hơ tơn ală jơnau lùp bơh ala mat ờ uă mpồl lơh sa dờng, mpồl lơh sa kă bro lơgar Algeria gơrềng tus broă bơcri priă, tam klac mờ lơgar Việt Nam tàm ală gah dà sơnơm, tơnhàu mờ lơh gơlik nhơm zờu, lơh gơlik phan bơh suơn sre, tà` mai…

Ồng Nguyễn Tấn Dũng geh jơnau đơs tàm pơrjum

              Ồng Nguyễn Tấn Dũng đơs tờm: Gơnoar atbồ lơgar Việt Nam kờ` mờ dong kờl mpồl lơh sa kă bro 2 lơgar mut lơh ngan ngồn ală bơta niam mờ rơndap broă tam kalc dipal jat nùs nhơm lơh bơyô bơhìan yau niam bơne\, bơtàu tonguh tài bơta kuơ bal bơh 2 lơgar dê.

                                                                                                Cau mblàng K’ Duẩn.