VOV4.K’ho – Ngai òr, 6/8, cơldu\ lơh broă gơnoar atbồ lơgar geh sră nggal yal jơnau đơs bơh Kuang gơs gơnap gơnoar atbồ hơđang rlau jơh dà lơgar dê bè broă mut lơh rùp mòn “ Bác Hồ mờ làng bol ală kòn cau Tây Bắc” tàm [òn dờng Sơn La, càr Sơn La. Jat mờ hơ\, kuang gơs gơnap gơnoar atbồ hơđang rlau jơh dà lơgar đơng lam Anih duh broă làng bol càr Sơn La mìng geh mut lơh rùp mòn tu\ gàr niam ală bơta pal geh kuơ màng jat jơnau sồr, tàm hơ\ geh broă pal yal mờ Mpồl đơng lam Đảng dà lơgar ki\ kơrnuat lơh rùp mòn mờ đal git loh priă bơcri. Kuang gơs gơnap gơnoar atbồ hơđang rlau jơh dà lơgar kung sồr Anih duh broă làng bol càr Sơn La pal lơh rơndap broă mut lơh rùp mòn “ Bác Hồ mờ làng bol ală kòn cau Tây Bắc” jat di jơnau sồr bơh Mpồl đơng lam Đảng mờ adat boh lam. Tu\ rùp mòn “ Bác Hồ mờ làng bol ală kòn cau Tây Bắc” geh pơgồp bal mờ ală broă lơh mpồl bơtiàn ndai tàm dùl rơndap broă den pal tam cah is gơs dùl bơnah broă krơi is nàng sền sơ wì, ki\ kơrnuat. Jat jơnau yal tơngit bơh sră [au\ dê, pa do, Mpồl duh broă ala mat làng bol càr Sơn La neh tơlik kơrnuat ringbal mut lơh rùp mòn “ Bác Hồ mờ làng bol ală kòn cau Tây Bắc”, mờ priă bơcri mờr 1.500 tơmàn priă.

                                                                                             Cau mblàng K' Duẩn.