VOV4.K’ho - Mho òr (21/10), tàm Hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau  jơh dà lơgar geh wa\ ồng Albert del Rosario kuang atbồ gah cri bơyai broa\ lơh bal mờ lơgar ndai lơgar Philippines gam còp mờ lơh  broa\ tàm Việt Nam.

            Jờng ngan dơ\ tus còp mờ lơh broa\ tàm Việt Nam bơh ồng Albert del Rosario, ồng Nguyễn Tấn Dũng neh đơs niam ala\ cồng nha bơh dơ\ pơrjum dơ\ 8 bơh anih lơh broa\ bal 2 gah Việt Nam-Philippines bơh 2 kuang atbồ gah cri bơyai broa\ lơh bal mờ lơgar ndai  2 lơgar geh lơh bal, mơ kung geh đơs niam cồng nha lơh broa\ bơh mpồl tus mờ ala\ gah broa\ lơh, sơnah lơh broa\ Việt Nam dê nàng chul chồl git gơp tam klac bơh 2 lơgar tàm ua\ gah, ngan la chul chồl tam klac ka\ bro, bơcri. Ồng Nguyễn Tấn Dũng đơs tờm dơ\ tus còp mờ lơh broa\ tàm Việt Nam dơ\ do bơh ồng Albert del Rosario geh pơ gồp ngan ngồn tàm bơtàu tơngguh tam klac lơh broa\ bal niam bơbe\ bơh 2 lơgar. Ồng Nguyễn Tấn Dũng sồr 2 gah geh pơnjat tai ala\ broa\ lơh cri bơyai mpồl ala\ kơna\, lời lơh lài rlau tai tus broa\ lơh chul chồl tam klac lơh sa, ka\ bro, ngan la ka\ bro phe, bơcri, nhơl chờ, pơnjat tai geh lơh bal ngan ngồn,  chul chồl tam klac bè lơh ka, bơta jak chài pa, chài rgơi, sền gàr ngap lơngai, sền gàr dà lơgar, git gơp làng bol 2 lơgar.

                             Cau cih mờ yal tơnggit K’ Brọp