VOV4.K’ho - Nho òr (05/08),  tàm hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh wa\ ồng Steven Joyce kuang atbồ Gah bơto bơtê kai bơsram dờng, bơta chài mờ broa\ lơh lơgar New Zealand gam geh dơ\ tus còp mờ lơh broa\ mờ Gah bơto bơtê mờ bơsram dà lơgar mờ ờ ua\ gah, sơnah lơh broa\ bơh lơgar Việt Nam. Đơs niam dơ\ tus còp kung bè cồng nha broa\ lơh bơh  2 kuang atbồ gah bơto bơtê mờ bơsram 2 lơgar, ồng Nguyễn Tấn Dũng đơs broa\ tam klac niam bơne\, geh cồng nha tàm gah broa\ do geh ta\ pơ gồp niam tàm bơta git gơp cri bơyai lơh broa\ bal tơl làm Việt Nam-New Zealand. Ồng Nguyễn Tấn Dũng đơs tờm Việt Nam sền kuơ màng ngan mờ kơp kờ` bal mờ New Zealand chul chồl tam klac bơh 2 lơgar tàm jơh ala\ gah broa\ lơh, sùm geh lơh niam, mờ lơh kuơ màng rlau tai git gơp tơl làm, nàng geh wèt tus git gơp lơh broa\ bal kuơ màng, cèng wơl bơta kuơ ngan ngồn tus 2 lơgar, mờ geh ta\ pơ gồp ngap lơngai, tam klac mờ bơtàu tơngguh tàm kơnhoàl mờ tàm dunia.

                                                          Cau mblàng K’ Brọp.