VOV4.K’ho - Mho òr (6/11), tàm hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh wa\ ồng Nakatani Gen kuang atbồ gah sền gàr dà lơgar Nhờk gam geh dơ\ tus còp mờ lơh broa\ tàm Việt Nam.

Jờng ồng Nakatani Gen còp mờ lơh broa\ tàm Việt Nam, ồng Nguyễn Tấn Dũng neh đơs niam cồng nha bơh dơ\ cri bơyai bơh kuang attbồ gah sền gàr dà lơgar 2 lơgar, pin dờ` geh cồng nha niam bơh dơ\ tus còp mờ lơh broa\ geh la dùl bơta ta\ pơ gồp ngan ngồn tàm chul chồl git gơp lơh broa\ bal 2 lơgar tàm ala\ gah broa\  lơh. Ồng Nguyễn Tấn Dũng đơs tờm, Gơnoar atbồ lơgar Việt Nam sùm kờ` bal ala\ broa\ lơh ngan  ngồn geh cồng nha bơh Gah sền gàr dà lơgar 2 lơgar, ngan la ala\ gah broa\ mờ 2 lơgar neh ring bal. Mơ kung kơp kờ` lơgar Nhờk chồl guh pràn rlau tai bơnga\ he dê mờ ala\ lơgar rềp bal mờ tàm dunia tàm broa\ ta\ pơ gồp niam sền gàr ngap lơngai, ờ do ờ da\, khat gơboh lòt rê gùng dà lềng tàm kơnhòal.

                   Cau cih mờ yal tơnggit K’ Brọp