VOV4.K’ho - Mho òr (19/10), tềng Hìu lơh broa\ Gơnoar atbồ lơgar,  ồng Nguyễn Tấn Dũng kuang gơs gơnap gơnoar atbồ hơdang rlau jơh dà lơgar neh wa\ ồng Cảnh Huệ Xương kuang atbồ gah sền gàr ngap lơngai lơgar Lo gam ơm còp mờ lơh broa\ tàm Việt Nam. Tàm bùi wa\,  ồng Nguyễn Tấn Dũng đơs tờm, Việt Nam chờ ngan tềng đap ala\ bơtàu tơngguh niam bơh 2 lơgar tàm ala\ gah broa\ lơh, tàm hơ\ geh git gơp tam klac bơh gah kuang àng Việt Nam mờ Gah sền gàr ngap lơngai lơgar Lo. Geh đơs, cồng nha bơh broa\ lơh bơh mpồl dơ\ do geh la dùl ta\ pơ gồp kuơ màng chul chồl tam klac git gơp 2 lơgar tàm ala\ gah broa\ lơh. Đơs tờm, gơnoar atbồ lơgar Việt Nam sùm geh kờ` ngan ala\ broa\ lơh tam klac bơh 2 gah kung bè bơta kơp kờ` tam klac bơh 2 gah nền nòn, ngan ngồn, geh cồng nha. Ồng Nguyễn Tấn Dũng  sồr, 2 gah kờ` pal pơnjat tai tơngguh broa\ lơh rlau tai tàm broa\ cri bơyai, tam gơl broa\ bơh ala\ kơna\,  tơngguh bơta pin dờ` mờ tam klac jơh nùs,  tam klac nàng sền gàr gùng dra\ bal bơh tơl lơgar,  cri bơyai  jơnau yal tơnggit ndap ndơl, tơngguh broa\ lơh tam klac tàm gah sền gàr niam internet, sơndra\ sò tơm iơh bơsac, ala\ gah broa\ lơh sền gàr ngap lơngai bơhìan, kung bè ờ bơhìan.

                   Cau cih mờ yal tơnggit K’ Brọp