VOV4.K’ho - Mho òr (27/11), tàm Hìu lơh broa\ Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar neh wa\ mò Margarita Popova kuang jat jơng atbồ lơgar Bulgaria gam còp ngan ngồn lơgar Việt Nam.

            Ồng Nguyễn Tấn Dũng đơs tờm, Việt Nam sền kuơ, kơp kờ` mờ lơh jơh pràn, bal mờ lơgar Bulgaria gàr kơ\ mờ tơngguh git gơp bơhìan niam bơne\, mơ kung chul chồl lơh pràn tam klac ngan ngồn, geh cồng nha tàm jơh ala\ gah broa\ lơh mờ 2 gah geh bơta kờ` tam klac nàng bơtàu tơngguh, ngan la gùng dra\ bal,  lơh broa\ mờ lơgar cau,  lơh sa, ka\ bro, bơcri, bơto bơtê mờ bơsram, tam klac tàm ala\ dơ\ cri tơr`a ua\ gah mờ ala\ mpồl dunia. Ồng Nguyễn Tấn Dũng đơs niam cồng nha dơ\ cri bơyai broa\ bơh kuang jat jơng atbồ lơgar Bulgaria mờ mò Nguyễn Thị Doan kuang jat jơng atbồ lơgar, mơ kung geh sồr 2 gah kờ` pal geh lơh bal nền nòn,  mut lơh ngan ngồn,  geh cồng nha ala\ tơnggu me tam klac mờ  atbồ dờng màng 2 lơgar neh ring bal, ai bơta git gơp 2 lơgar geh bơtàu tơngguh khà jơnhua pa.

                      Cau cih mờ yal tơnggit K’ Brọp