VOV4.K’ho - Di dơ\ tus bal pơrjum dờng màng mpồl ASEAN mờ lơgar Mỹ gam geh bơyai lơh tàm Sunnylands,  California, lơgar Mỹ, drim òr (16/02) jat jiơ Việt Nam, ồng Nguyễn Tấn Dũng, kuang gơs gơnap gơnoar atbồ hơđang rlau jơh  dà lơgar neh geh dơ\ tìp mat 2 gah mờ ồng Joko Widodo, kuang atbồ lơgar Indonesia, ồng Prayuth Chan Ocha kuang gơs gơnap gơnoar atbồ hơđang rlau jơh dà lơgar  Thái Lan mờ sền mpồl lơh sa kă bro lơgar Việt Nam mờ lơgar Mỹ ki\ uă sră nggal tam klac bơcri priă, kă bro dờng.

Tàm dơ\ tìp mat đah ồng Nguyễn Tấn Dũng mờ ồng Joko Widodo, 2 nă kuang neh ràng tơlik bơta niam nùs mờ ală broă lơh tơngkah 60 nam ngai 2 lơgar crơng gơs git gơp lơh broă bal geh bơyai lơh tàm nam 2015 , bơh hơ\ neh dong sơlơ tơnguh git gơp lơh bơyô, tam klac bal đah gơnoar atbồ mờ làng bol 2 lơgar. 2 nă kuang kung ringbal sơlơ tam klac bè lơh sa, bơcri priă, mut lơh li la ală bơta phan bơna tàm cribơyai kă bro, pơgồp bal krà` cê tàm broă bơsong ală bơta gơ rềng tus cau lơh ka mờ ơhò lơh ka Việt Nam. Tàm gah tam klac sền gàr ngap lơngai - sền gàr dà lơgar, 2 gah ringbal chul chồl mhar ki\ jơnau ringbal lòt sền 2 lơgar, pơgồp bal tam dră bol sò tơm iơh bơsak tàm tiah do, crơng gơs sồ điện thoại lơh broă sùm đah ling dà lềng 2 lơgar mờ broă cribơyai ală broă lơh kờ` pơgồp bơnah tàm broă sền gàr ngap lơngai mờ kơ\ kơljap tàm tiah do.

Tàm dơ\ tìp mat đah ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar mờ ồng Prayuth Chan Ocha kuang gơs gơnap gơnoar atbồ hơđang rlau jơh lơgar Thái Lan, 2 gah ringbal pơgồp bal đơng lam mut lơh geh cồng nha broă lơh mut lơh git gơp lơh broă bal kuơ màng tơngai bơh nam 2014 tus nam 2018 mờ ală cồng nha bơh dơ\ pơrjum gơnoar atbồ lơgar bal dơ\ 2. Ồng Nguyễn Tấn Dũng kung sồr Thái Lan pơgồp bal krà` cê mờ Việt Nam tàm broă bơsong bơta cau lơh ka, ơhò, plung jat nùs nhơm niam, git gơp lơh bơyô bơh làng bol 2 lơgar mờ git gơp lơh broă bal kuơ màng. 2 nă kuang kung ringbal bè broă sơlơ tam klac, bơtàu tơnguh bơngă lơh tờm bơh ASEAN dê tàm broă bơsong ală bơta ngap lơngai, mờ bơtàu tơnguh bơh tiah do dê.

                   Cau cih mờ yal tơnggit K’ Brọp mờ K’ Duẩn.