VOV4.K’ho – Kềng dơ\ Pơrjum kuang bàng dờng màng ASEAN mờ Mỹ gam geh lơh tàm Sunnylands, càr California, lơgar Mỹ, mho òr 16/02, jat jiơ tiah do dê, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam neh geh dơ\ tìp mat cribơyai broă mờ ồng Barack Obama kuang atbồ lơgar Mỹ nàng cribơyai bè bơta gi\t gơ\p 2 gah đah Việt Nam mờ Mỹ kung bè ală bơta dunia mờ tàm tiah do mờ 2 lơgar ndrờm sền gròi bal.

Ồng Nguyễn Tấn Dũng pà gi\t, Việt Nam kơlôi rơcang ngan tềng đap bơta Dà lềng đah mat tơngai lik ngai sơlơ gơbàn kal ke, pơhìn ngan ngồn bơta ring lơngai, lơngăp lơngai, ờdo ờdă mờ khat gơboh lòt rê tàm gùng dà lềng, gùng rơndeh par tài bơh ală broă lơh is bồr bơ\t geh lơh dờng ală bồt sơ gràm phà tìs mờ kơrnoat boh lam mờ lơh tàm ù tiah dờng ală bồt lơh is bơh ală broă lơh ngggùl gơ ơm tàm dà, nggùl gơ pơrđồng hơđang mat dà, lơh tam gơl bơta geh ngan bơh yau, geh bal broă sơlơ geh uă tai broă lơh ling klàng bơh ală broă lơh krơi is. Ồng Nguyễn Tấn Dũng sồr lơgar Mỹ geh jơnau đơs pràn kơldang mờ ală broă lơh geh kuơ ngan ngồn rlau, geh cồng nha rlau tai nàng sồr tơn jơh ală broă lơh gơ tam gơl bơta geh ngan bơh yau tàm Dà lềng đah mat tơngai lik. Bè bơta gi\t gơ\p 2 gah đah Việt Nam mờ Mỹ, ồng Nguyễn Tấn Dũng đơs loh, Jơnau pơrgon tam klac lơh broă bal gùt Thái Bình Dương (TPP) neh geh ki\ ngan ngồn, den tàng bè hơ\ ală gah kờn pal mhar lơh jơh ală broă lơh ki\ ring bal Jơnau pơrgon jat bơta pal jat bơh tơl lơgar dê. Bal mờ jơnau sồr lơgar Mỹ gờn dờp Việt Nam là rài lơh sa drà kă bro, ồng Nguyễn Tấn Dũng kung sồr lơgar Mỹ tơn jo\ tu\ tơngai bơh 18 nhai gơguh tus 3, 4 nam tai nàng đah Việt Nam mu\t lơh broă tam gơl ală broă lơh atbồ kờn lơh geh ală jơnau sồr geh gơ rềng tàm Adat Lơh sa sươn dờng 2014 (Farm Bill 2014) bơh lơgar Mỹ dê, mơkung dong kờl bơta chài măy mok bè atbồ kloh niam ờdo ờdă phan sa tus mờ ka tra, ka ba sa bơh Việt Nam dê tăc tàm lơgar Mỹ.

Cau cih mờ yal tơngi\t- Lơ Mu K’ Yến