VOV4.K’ho – Ngai òr 12/05, tàm Hà Nội, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar bal mờ ồng Vũ Đức Đam kuang jăt jơng gơs gơnăp gơnoar atbồ hơđang rlau jơh dà lơgar neh tìp mat mờ 63 nă cau bơceh mòn phan ờ ờs mờng pơnrơ jak nam 2015 bơh Gah Khoa học mờ công nghệ dà lơgar dê bơyai lơh. Boh bơr mờ ală cau bơceh mòn phan ờ ờs mờng, ồng Nguyễn Tấn Dũng đơs tờm cồng nha lơh geh bơh dà lơgar dê tàm ală nam do sùm gơ jăt bal mờ bồ tơngoh jak, pràn jak bơceh lơh, kơlôi sơnơng đòm jăt jak chài măy mok bơh làng bol dê. Tàm tu\ tơngai lơgar Việt Nam gam tơrgùm lơh gơs ală kơrnoat boh lam lơh sa drà kă bro, mu\t gơrờm bal uă tàm rài lơh sa dunia dê, jơnau bơceh lơh, kơlôi sơnơng, đòm jăt jak chài măy mok pơn jăt tai lơh gơnoar broă dờng màng, tơnguh jơnhoa phan lơh geh, cồng nha, mờ bơta pràn tàm pơrlòng bơh dà lơgar, bơh rài lơh sa, bơh mpồl lơh sa kă bro mờ phan bơna Việt Nam dê tàm muh mat dunia. Tàm nùs nhơm do, ồng Nguyễn Tấn Dũng sồr Gah Khoa học mờ công nghệ dà lơgar mờ ală Gah, sơnah lơh broă dà lơgar bal mờ ală tiah pơn jăt tai dong pơlam bơ\t bơtàu ală gùng dà broă lơh dipal nàng chul chồl pràn kơldang, lơh geh tơl ală bơta niam rlau tai ai broă kơlôi sơnơng đòm jăt jak chài măy mok tàm broă lơh gơlik phan, ngui bơta bơceh lơh, bơceh mòn bơh tơl nă làng bol dê.

                                                                           Cau mblàng Lơ Mu K’ Yến