VOV4.K’ho – Drim ngai 26/12, Gơnoar atbồ lơgar bơh 2 lơgar Việt Nam mờ Campuchia dê pơgồp bal bơyai lơh Dơ\ sơnđờm mu\t ngui jrong nhàr lơgar sồ 30 tàm gùng nhàr lơgar hờ ù gờl mờ gơl gùng tàm tơrbo\ bal 2 anih sền gròi Mpồng nhàr lơgar dunia Lệ Thanh mờ Oyadav, gơl gùng rềp nhàr bal đah 2 càr Gia Lai lơgar Việt Nam dê mờ càr Rattanakiri, lơgar Campuchia dê.

Ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam mờ ồng Hun Sen kuang gơs gơnăp gơnoar atbồ hơđang rlau jơh dà lơgar Campuchia tus bal dơ\ sơnđờm mu\t ngui jrong nhàr lơgar sồ 30

Đơs tàm dơ\ lơh, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar Việt Nam đơs tờm bơta gi\t gơ\p lơgar rềp bal, gi\t gơ\p ờs mờng bơh yau, tam klac lơh broă bal tơl làm đah 2 lơgar Việt Nam mờ Campuchia neh mờ gam sùm geh lơh kơ\ kơl jăp tai mờ bơtàu tơnguh jat jơnau đơs “lơgar rềp bal, gi\t gơ\p lơh bơyô bal ờs mờng bơh yau, tam klac lơh broă bal, bơtàu tơnguh, kơ\ kơl jăp, jo\ jòng” tơngo\ tàm ală broă lơh tam klac lơh bal tàm gah lơh sa, kă bro, bơcri priă, lơngap lơngai sền gàr dà lơgar, chài rơgơi, bơto bơtê, nhơl chờ…

Gơl gùng tàm tơrbo\ bal 2 mpồng nhàr lơgar dunia Lệ Thanh mờ Oyadav

Mpồng nhàr lơgar dunia Lệ Thanh mờ Oyadav gơ ơm tàm gùng rơndeh dờng 19 lơgar Việt Nam dê tàm tơrbo\ bal mờ gùng rơndeh dờng 78 bơh lơgar Campuchia dê là dùl tàm ală gơl gùng dờng màng ngan tàm tơrbo\ bal ală càr Tây Nguyên lơgar Việt Nam dê mờ ală càr tiah đah tô mat tơngai lik lơgar Campuchia dê. Broă lơh gơs gơl gùng tàm tơrbo\ bal 2 anih sền gròi Mpồng nhàr lơgar dunia Lệ Thanh- Oyadav geh dong kờl broă lòt rê geh niam sùm tàm gơl gùng kuơmàng do, bơtàu tơnguh bơta pràn lơh sa, nhơl chờ, kung bè broă lơh kă bro, bơcri priă đah 2 lơgar đơs is mờ tiah pe mum bơtàu tơnguh Việt Nam- Lào mờ Campuchia đơs bal.

          Cau cih mờ yal tơngi\t- Lơ Mu K’ Yến