VOV4.K’ho – Di tơngkah 40 nam ngai tơngklàs tiah đah jum, tơrgùm dùl dà lơgar, drim òr 1-5, tàm tiah tềl kah yau dà lơgar Ba Hòn, kơnhòal Hòn Đất, càr Kiên Giang, Gah lơh sơnơm càr Kiên Giang bal mờ mpồl làng bol lơh klàng lơh sơnơm lài do bơyai lơh mut ngui tơr`ang kah kơlôi làng bol ling klàng lơh sơnơm càr Kiên Giang. Ồng Nguyễn Tấn Dũng kuang gơs gơnap gơnoar atbồ hơđang rlau jơh dà lơgar, kuang đơng lam bồ càr , ală gah, mpồl lơh broă bal mờ rlau 250 nă cau mờ ling klàng lơh sơnơm lài do, ơruh pơnu lam lài lài do, neh geh tu\ tam lơh tàm Hang Hòn neh tus bal. Đơs tàm dơ\ bơyai lơh, mờ gơnoar là dùl nă kuang bàng, dùl nă cau ling geh 15 nam lơh broă tàm gah làng bol ling klàng lơh sơnơm càr Kiên Gang, neh geh tu\ tus bal tam lơh tàm Hang Hòn kah yau, ồng Nguyễn Tấn Dũng ngoh rơngac ngan tu\ geh rê tus tàm do, geh tìp wơl ală cau ling bal neh geh tu\ lơh broă, tam lơh, tam pà bal moat jrùm, chờ hờp tàm ală ngai glar bòl, cui rơcai ngan rlau jơh, tă pơgồp dipal tàm broă lơh tam lơh bơh mpồl Đảng mờ làng bol càr Kiên Giang nàng ai wơl ngap lơngai is jơi bơtìan in. Ồng Nguyễn Tấn Dũng đơs là: broă bol he lơh tơr`ang kah kơlôi làng bol mờ ling klàng lơh sơnơm càr Kiên Giang ờ mìng nàng kah ưn ngài, kah kơlôi ală cau ling, cau lơh sơnơm neh chơt phi să tàm ù tiah do, mờ gam là anih nàng bơto bơtê bơhiàn niam bơne\ bơh gah lơh sơnơm làng bol mờ ling klàng dê tus mờ rơnàng tơnơ\ do.

                                                                                                                                            Cau mblàng K' Duẩn.