VOV4.K’ho – Ngai òr 13/09, tàm kơnhoàl Noỏng- bôc, càr Khăm- muộn, lơgar Lào dê, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar bal mờ ồng Thoong- xỉng Thăm- mạ- vông kuang gơs gơnăp gơnoar atbồ hơđang rlau jơh dà lơgar Lào dê tus bal dơ\ sơnđờm mu\t lơh Rơndăp broă lơh tơnhàu mờ lơh gơs boh kali bơh Mpồl lơh sa dờng dà sơnơm Việt Nam lơh cau tờm bơcri priă. Do là dùl tàm ală rơndăp broă lơh bơcri priă dờng ngan rlau jơh bơh Việt Nam dê tàm lơgar ndai mờ khà priă gơguh tus 522 tơlak dolar Mỹ. Đơs tàm dơ\ sơnđờm mu\t lơh, ồng Nguyễn Tấn Dũng mờ ồng Thoong- xỉng Thăm- mạ- vông tam pà bal bơta chờ hờp tềng đăp bơta gi\t gơ\p tam klac bal tàm gah lơh sa, kă bro mờ bơcri priă đah 2 lơgar sùm geh rề ơnàng mờ bơtàu tơnguh, mờ uă broă lơh li la ngan mờ Việt Nam sùm ơm tàm mpồl ală lơgar geh priă bơcri dờng ngan rlau jơh tàm lơgar Lào. Kung tàm drim òr, ồng Nguyễn Tấn Dũng bal mờ ồng Xổm- xa- vạt Lềng- xa- vắt neh lòt còp Tiah lời kir sơnrai Bác Hồ tàm [òn Xiêng- vang, càr Khăm- muộn. Do là tiah Bác Hồ neh geh tu\ ơm kis mờ lơh broă tàm ală nam sơnrờp bơh Kăc màng dê.

Cau cih mờ yal tơngi\t- Lơ Mu K’ Yến