VOV4.K’ho –  Mho òr 27/10, tàm Hà Nội, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar tus bal mờ geh jơnau đơs tàm Dơ\ tơngkah 70 nam Ngai crơng gơs Anih duh broă dunia (24/10/1945- 24/10/2015) bơh Gah Cribơyai broă mờ lơgar ndai dà lơgar pơgồp bal mờ Broă lơh bơtàu tơnguh Anih duh broă dunia bơyai lơh bal.

Ồng Nguyễn Tấn Dũng đơs tờm: kờp bơh tu\ ngan ngồn mu\t bal tàm Anih duh broă dunia tàm nam 1977, Việt Nam sùm sền dờng màng gơnoar broă kuơmàng mờ đơs niam ngan bơta dong kờl, tam klac bal geh cồng nha bơh Anih duh broă dunia dê tus mờ broă lơh sền gàr, bơ\t bơtàu mờ bơtàu tơnguh dà lơgar, ngan là tàm broă bơsong jơnau gơlời wơl kơ` jơ\ kơ` ju\t ngan bơh rài tam lơh dê, tơnguh jơnhoa pràn jak gùng dà broă lơh kơrnoat boh lam, lơh tam gơl pa sră nggal, tơn jơh jơgloh tơrmù r[ah, sơndră wơl mờ tam gơl trồ tiah, bơtàu tơnguh kơ\ kơl jăp jo\ jòng. Ồng Nguyễn Tấn Dũng đơs tờm: Việt Nam sùm sền dờng màng bơtàu tơnguh bơta chài rơgơi, lơh geh bơta gơguh jak, ring bal làng bol [òn lơgar, lơh geh gơnoar làng bol lơh tờm mờ khat gơboh bơh jơh tơl nă làng bol dê, brồ guh jơh jơnau kòn bơnus. Bơh bơta lơh ngan bơh he dê bal mờ bơta tam klac bal geh cồng nha bơh Anih duh broă dunia dê, ală cau lơh broă bal bơtàu tơnguh, Việt Nam geh mu\t lơh geh cồng nha Jơnau kờn Bơtàu tơnguh kơ\ kơl jăp jo\ jòng mờ Broă rơndăp lơh dờng màng tus nam 2030 bơh Anih duh broă dunia dê.

Cau cih mờ yal tơngi\t- Lơ Mu K’ Yến