VOV4.K’ho – Bè jơnau neh yal, mang ngai 17/02, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar bal mờ Mpồl kuang bàng dờng màng Gơnoar atbồ lơgar Việt Nam neh rê tus Hà Nội, tơn jơh niam bơne\ dơ\ tus bal Pơrjum kuang bàng dờng màng ASEAN mờ Mỹ geh lơh tàm 2 ngai tàm California, lơgar Mỹ.

Cồng nha lơh geh bơh pơrjum dơ\ do dê ờ mìng cih tềl ai bơta gi\t gơ\p Tam klac lơh broă bal dờng màng đah ASEAN mờ Mỹ geh lơh ngan ngồn mờ geh cồng nha gơ jat bal mờ bơta kuơ dờng màng bè lơh sa, mờ lơngăp lơngai bơh jơh bal bàr gah dê, mờ gam mpờl go\ uă ngan broă lơh niam bơh Việt Nam dê, là dùl lơgar sùm rơcang lài, jơh nùs mờ geh kơnòl mờ bơta bơtàu tơnguh bơh Mpồl bơtiàn ASEAN dê, mơkung pơ gồp bơnah sơlơ tơnguh tai bơta gi\t gơ\p 2 gah đah Việt Nam mờ Mỹ. Pơrjum kuang bàng dờng màng ASEAN mờ Mỹ geh đơs là dùl dơ\ pơrjum kuang bàng dờng màng ngan mờ gơ gơs là jơnau sền ngăc ngan bơh mpồl bơtiàn dunia dê tàm jơh bal kuang bàng tus bal, tu\ tơngai, tơngume mờ bơta sền bơta kuơ dờng màng, ngan là bè lơh sa mờ lơngăp lơngai.

Cau cih mờ yal tơngi\t- Lơ Mu K’ Yến