VOV4.K’ho – Ngai òr 20/11, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar lam bồ mpồl kuang bàng ala mat lơgar Việt Nam neh lòt bơh Hà Nội tus bal Pơrjum kuang bàng dờng màng ASEAN dơ\ 27 mờ ală dơ\ pơrjum kuang bàng dờng màng geh gơrềng ndai tàm lơgar Malaysia tàm ngai do mờ ngai hìng. Do là pơrjum kuang bàng dờng màng kuơmàng ngan geh lơh nền tềl kah mờ bơta tam gơl kuơmàng jơnau kah yau bơh ASEAN dê tơnơ\ mờr 50 nam crơng gơs mờ bơtàu tơnguh. Pơrjum kuang bàng dờng màng ASEAN dơ\ 27 mờ ală pơrjum kuang bàng dờng màng geh gơrềng ndai geh lơh tàm tu\ tơngai kuơmàng gơ wèt tus mờ ASEAN. Ồng Nguyễn Tấn Dũng bal mờ ală kuang bàng đơng lam bồ geh ki\ ală kơrnoat bè bơta crơng gơs Mpồl bơtiàn ASEAN tàm ngai 31/12/2015. Jơnau do là bơta tam gơl kuơmàng jơnau kah yau tàm ală broă lơh bơtàu tơnguh mờ dờng kràn bơh ASEAN dê geh jơh ală làng bol ASEAN mờ dunia sền gròi uă ngan. Jat ồng Lê Hoài Trung kuang jat jơng atbồ Gah Cribơyai broă mờ lơgar ndai dà lơgar dê, dùl tàm 2 kơrnoat gơ cèng bơta kah yau geh ki\ tàm Pơrjum kuang bàng dờng màng ASEAN dơ\ do, hơ\ là “Jơnau yal bơr bè crơng gơs mpồl bơtiàn ASEAN nam 2015”.

Cau cih mờ yal tơngit- Lơ Mu K’ Yến