VOV4.K’ho – Di dơ\ tus bal ală dơ\ pơrjum kuang bàng dờng màng tàm lơgar Myanmar, mho òr 23/06, ồng Nguyễn Tấn Dũng kuang gơs gơnăp gơnoar atbồ hơđang rlau jơh dà lơgar bal mờ mpồl kuang bàng ala mat lơgar Việt Nam neh lòt bơh càr lơgar Nay Pyi Taw tus [òn dờng Yangon tus bal bàr pe broă lơh kuơmàng bơh Mpồl tam klac bal ală cau bơcri priă lơgar Việt Nam tàm lơgar Myanmar. Do là ală broă lơh geh bơta kuơ dờng màng ngan tơngkah 40 nam Ngai crơng gơs bơta gi\t gơ\p lơh broă bal đah 2 lơgar mờ là cồng nha geh kuơ ngan ngồn bơh broă lơh ngan uă ngan bơh ală mpồl lơh sa kă bro lơgar Việt Nam dê tàm broă tam klac lơh bal bơcri priă, lơh sa kă bro tàm lơgar Myanmar. Ưn ngài Gơnoar atbồ lơgar Myanmar đơs bal mờ gơnoar atbồ [òn dờng Yangon đơs is neh lơh geh tơl ală bơta niam dong kờl ai ală rơndăp broă lơh bơcri priă bơh lơgar Việt Nam dê tàm lơgar Myanmar, ồng Nguyễn Tấn Dũng đơs tờm: Việt Nam sùm sền dờng màng mờ kơ\p kờ` bơtàu tơnguh bơta gi\t gơ\p lơh bơyô bal mờ tam klac lơh broă bal tàm uă broă mờ lơgar Myanmar, kuơmàng là tam klac lơh bal tàm 12 broă lơh geh lơh lài neh geh đơs tàm jơnau yal bơr bal bè tam klac lơh broă bal đah 2 lơgar. Ồng Nguyễn Tấn Dũng kơ\p kờ` ală mpồl lơh sa kă bro lơgar Việt Nam pơn jat tai brồ guh nùs nhơm rcang lài, sơlơ jòi gi\t mờ mut lơh tu\ tơngai tam klac lơh bal bơcri priă lơh sa kă bro mờ lơgar Myanmar...

Cau mblàng Lơ Mu K’ Yến